Հոսանքի թանկացման դեմ պայքարի ընթացքում, հատկապես հունիսի 22-23-ից 29-ը ծավալված դեպքերը, կարելի է ասել՝ քողազերծեցին ժամանակակից մի ամբողջ շարք «առասպելներ»:
Ամենից առաջինը պետք է նշել «էս մեր հիմիկվա ջահելները շատ անտարբեր են…» ու այդ կարգի ընկալումները: Նման արտահայտությունների հեղինակները նկատի ունեն, որ ժամանակակից մեր երիտասարդությունը շատ քիչ է հետաքրքրվում երկրի ընդհանուր անցուդարձով, ավելի շատ կենտրոնացած է համակարգիչների, պլանշետների, բջջայինների ու նման բաների վրա:
Սակայն ցույցի ելած, ավելին՝ հոսանքի թանկացման դեմ պայքարը նախաձեռնած տղաներն ու աղջիկները գործնականում ապացուցեցին, որ, նախ, երիտասարդությունը ոչ մի դեպքում անտարբեր չէ, որ իրենց համար միեւնույն չէ, թե ինչպիսի երկրում իրենք կապրեն 10, 15, 20 տարի անց:
Պայքարի առաջին շարքերում կանգնած երիտասարդների մեծ մասի համար «Մենք ենք տերը մեր երկրի» վանկարկումը ավելին է, քան պարզապես կարգախոս: Դա նրանց համոզմունքն է եւ որոշումը. Իրենք ցանկանում են լինել սեփական երկրի տերերը: Եվ դա իսկապես ոգեւորվելու եւ ապագայի հարցում ավելի վստահ լինելու լուրջ հիմք է տալիս ավելի տարիքավորներիս:
Կարդացեք նաև
Նրանք ցույց տվեցին, որ քաջատեղյակ են թե՛ ընթացիկ քաղաքական իրավիճակին, թե՛ տնտեսական իրողություններին, թե՛ մնացյալ ամենին: Այլ կերպ ասած՝ կյանքից ու իրականությունից վերացած չեն, եթե անգամ ժամերով «ինտերնետներում» են:
Ա. ՀԱԿՈԲՅԱՆ
Հոդվածն ամբողջությամբ՝ «Հայոց աշխարհ» թերթի այսօրվա համարում
