«Ինչ-որ կատարվում է Բաղրամյան պողոտայում ինձ շատ է ուրախացնում, ես հիշում եմ 1988 թիվը»,- հուլիսի 6-ին «Տեսակետ» մամուլի ակումբում լրագրողների հետ հանդիպման ընթացքում ասաց գուսան Հայկազունը:
Նա նկատեց, որ իրենք 1988 թվականին նույն էին անում, ինչ այսօր Բաղրամյան պողոտայում ցուցարարները. «Մենք այդ ժամանակ պատրաստ էինք ամեն ինչի՝ անգամ զոհվելու: Ո՞վ կմտածեր, որ Սովետական Միությունը պիտի կործանվի: Մենք բոլորս գիտեինք, որ ամենաքիչը մենք բերդերում փտելու ենք, բայց սերունդը եղավ, կանգնեց, պատրաստ էր դրան: Հիմա այս երեխաների մեջ տեսնում եմ այդ փոփոխությունը, նոր սերնդի այդ աճը»:
Գուսան Հայկազունին ուրախացնում է այն, որ կարծես՝ ընդդիմություն գոյություն չունի եւ նոր ըմբոստ սերունդ է աճում. «Մեր ազգին ավելի շատ պետք է ըմբոստություն, ոչ թե գառների նման ուր ուզեն փոխեն, ուր ուզեն քշեն, այլ ըմբոստ առյուծի ձագեր են մեզ պետք: Իսկ ես այս երեխաների մեջ տեսնում եմ այդ բջիջը, որը արթնացել է»:
Նա հայտարարեց, որ երկրի ապագան պայքարող երիտասարդների մեջ է տեսնում. «Շատ եմ ափսոսում «Ոչ թալանին» նախաձեռնության երեխաներին՝ սկիզբը, որ կազմակերպեցին, նրանք չպետք է ջարդվեին: Շատ եմ ափսոսում, չպետք է կոտրվեին: Եթե անգամ ոչինչ չտա, ինձ համար զարթոնք է դա»:
Կարդացեք նաև
Ամի ՉԻՉԱԿՅԱՆ
