Նվիրված էլ. էներգիայի սակագնի բարձրացման դեմ ցույցի մասնակիցներին
Հպարտանալու ավելի բան կա՞,
Քան առյուծների այս հսկա ծովը,
Հերոս տղերքի ավյունն է վկա,
Կարդացեք նաև
Նրանց չի հաղթի անգամ բիրտ սովը:
Նրանք երկնեցին արևի ծոցից,
Եվ իրենց ջերմով լցրին մեր հոգին,
Հողմերը անգամ հալվեցին բոցից,
Նորից վեր հառնեց այս ազգի ոգին:
Նոր հույսեր ծնվեց մարդկանց սրտերում,
Քնած երազը նորից բողբոջեց,
Ծիածանների պար է երկնքում,
Մոգական մի ուժ հին վերքն ամոքեց:
Աշխարհի աչքը հետևում է մեզ,
Թե ի՞նչ հողմեր են Հայաստան երկրում,
Առյուծ տղաներ, խաղաղություն ձեզ,
Ձեր ցանած սերմը կբերի բեկում:
Ձեզ ետ չի պահում և ոչ մի պատնեշ,
Դրանք հալվում են ձեր ոգու շանթից,
Տիրոջ օրհնանքը պահապան է ձեզ,
Այս գործն արդար է անկախ արդյունքից:
Դուք փոթորկում եք ծով ալիքի պես,
Դժվար Ձեր շարժը կանգնեցնել լինի,
Ձեր ամեն քայլը խորն է, հեռատես,
Ինչ որոշել եք, հաստատ կլինի:
Անկասելի է Ձեր ոգու ուժը,
Այն կտապալի ցանկացած արգելք,
Թե ձեր դեմ ելնի չարի մշուշը,
Զուտ շնչառությամբ այն կտապալեք:
Անանիա ՄԱՂԱՔՅԱՆ
