Այսօր շատերը ունեն մազերի նոսրացման եւ ճաղատացման խնդիր, որոնց համար ժողովրդական բժշկությունը առաջարկում է տարատեսակ բուժամիջոցներ: Դրանցից են` 50 գրամ ղանձլամերի (ծննդյան վարդ, քրիստոսածաղիկ, ընտանիքի բազմամյա խոտաբույսերի ցեղ) արմատները դնել 250 գրամ ջրի եւ 250 գրամ սպիրտի խառնուրդի մեջ: Խառնուրդը եփել մինչեւ որ ծավալը նվազի կես չափով: Այնուհետեւ քամել եւ ստացված եփուկով մեկ ամիս շարունակ շաբաթը երեք անգամ մերսել մազարմատները, իսկ այնուհետեւ` շաբաթը մեկ անգամ գլուխը լվանալուց առաջ:
Կարող եք նաեւ նույն սկզբունքով եփել եւ օգտագործել 50 գրամ ղանձլամերի արմատը 250 գրամ քացախի հետ:
Լավ է օգնում նաեւ հետեւյալ շոգեմշակվածքը` 1 ճաշի գդալ կեչու տերեւների վրա լցնել 300 միլիգրամ եռացրած ջուր եւ թողնել 2 ժամ: Մազերն ամեն անգամ լվանալուց հետո քամած հեղուկով շփում են գլխի մաշկը:
Շատ լավ բուժական միջոց է շաղգամի եփուկը. 20 գրամ չկտրած շաղգամը կես լիտր ջրով 5 րոպե եփել: Եփուկը սառչելուն պես քամել եւ ապա կարելի է քսել գլխի մաշկին, որից հետո գլուխը պետք է սովորական ջրով ցայել:
Կարդացեք նաև
Օգտագործվում է շաբաթը 3 անգամ՝ երկու ամիս անընդմեջ:
Հազրեվարդը եւս կարող է օգտագործվել այդ նույն նպատակով` 2 թեյի գդալ ծեծած հազրեվարդի տերեւները 300 միլիգրամ ջրում 5 րոպե եփել: Եփուկը սառեցնել եւ ապա քամել: Օգտագործվում է գլխի մաշկին քսելու համար՝ շաբաթը 2 անգամ, երկու ամիս անընդմեջ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
26.08..2015
