ԵԱՀԿ Մինսկի խմբից այլ բան սպասել պետք չէ, քանի որ այն քաղաքական կառույց է, կատարում է միջնորդի դեր եւ իրենց հայտարարություններում պահպանում են հավասարակշռություն»,- այս մասին «ՉԻ»-ի հետ զրույցում ասաց «Համագործակցություն» հանուն ժողովրդավարության» կենտրոնի նախագահ Ստեփան Դանիելյանը՝ անդրադառնալով ԵԱՀԿ Մինսկի խմբի ԱՄՆ համանախագահ Ջեյմս Ուորլիքի տարածած հայտարարությանը։ Նշենք, որ վերջինս դատապարտել էր սահմանային միջադեպերի ժամանակ քաղաքացիական անձանց դեմ իրականացվող գործողությունները:
Հարցին, թե ինչու են միջազգային կառույցները լուռ, երբ Հայաստանի սահմանը խաղաղ չէ, Ստեփան Դանիելյանը ասաց. «Հետաքրքիր է, թե մենք ինչ արձագանքի ենք սպասում։ Սպասում ենք, որ ինչ-որ տեղից զորք գա եւ պաշտպանի, կամ ինչ-որ խումբ գա, որ պարզի, թե ով է առաջինը կրակել։ Նման դեպքեր միշտ էլ տեղի են ունենալու, եւ որեւէ մեկից որեւէ օգնության սպասելը ծիծաղելի է։ Պատերազմը 1994 թվականից մինչեւ հիմա չի վերսկսվել, սա միջազգային կառույցների կատարած աշխատանքի արդյունքն է»։
Ս. Դանիելյանի համար անհասկանալի է Ռուսաստանը Հայաստանի անվտանգության երաշխավոր լինելու մասին արտահայտությունը։ Հիշեցնենք, որ ժամանակին Սերժ Սարգսյանն էր նման հայտարարություն արել, երբ Հայաստանը պետք է դառնար ԵՏՄ անդամ։
«Ղարաբաղի պատերազմը շատ մեծ ազդեցություն կարող է ունենալ տարածաշրջանի վրա։ Մի շարք հզոր երկրներ ստիպված կլինեն միջամտել դրան եւ նույնիսկ մասնակցել։ Սակայն սահմանային հրաձգությունը որեւէ մեկը չի կարող երաշխավորել։ Ընդամենը պետք է ունենալ հզոր, կազմակերպված բանակ, որպեսզի թույլ չտան, որ պատերազմ լինի։ Այլ տեղերից ինչ-որ ակնկալիքներ ունենալը անլրջություն է»,- ասաց նա։
Կարդացեք նաև
Հովհաննես ՄՈՒՐԱԴՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
