«ԼՂի հարցը ժողովուրդներու ինքնորոշման և մարդու իրաւունքի հարց է» անգամ մը ևս կը հաստատեն Ուրուկուայի քաղաքական շրջանակները։
Նախաձեռնութեամբ Ուրուկուայի Հայ Դատ Յանձնախումբին, Հարաւային Ամերիկայի հայաշատ գաղութները այցելած ընկ. Աղուան Վարդանեանը գտնուեցաւ Մօնթէվիտէօ և ընկերներու հետ տեսնուելէ առաջ, կարևոր հանդիպումներ ունեցաւ մեր երկրի քաղաքական ոլորտի ներկայացուցիչներու հետ։
Առաջին հանդիպումը կայացաւ Արտգործ Նախարարութեան քաղաքական հարցերու ընդհանուր տնօրէն Մարթին Վիտալի հետ, որու ընթացքին ընկ. Աղուան Վարդանեանը ողջունեց Ուրուկուայի ազնիւ կեցուածքը Հայաստանի և յատկապէս Արցախի հարցով նաև յոյս յայտնելով որ Հաաստան-Ուրուկուայ արդէն ջերմ յարաբերութիւնները աւելի խորանան և հասնին բարձրագոյն մակարթակի։
Կարդացեք նաև
Մարթին Վիտալն ալ իր կարգին ողջունելով մեր ընկերոջ այցելութիւնը, անգամ մը ևս հաստատեց թէ Հայատան-Ուրուկուայ երկկողմ կապերը ոչ միայն կը գտնուին ամենաբարձր մակարթակի վրայ այև անոնք ավանդական են և կու գան տարիներու հեռաւորութենէն։ իսկ Արցախի հարցով, Վիտալ կրկին վստահեցուց թէ Ուրուկուայի Կառավարութեան դիրքորոշումը շատ յստակ է և մենք սկզբունքային դիրք որդեգրած ենք, որուն հիմքը մարդու իրաւունքներու, արդարութեան, մարդկային հիմնարար արժէքներու և ժողովուրդներու ինքնորոշման հարցերն են և այս կապակցութեամբ, մեր այս դիրքէն ոչ մէկ ետքայլ այլև դէպի յառաջ քայլեր առնելն է, հավաստիացուց Մարթին Վիտալը որ շատ երիտասարդ դիւաագէտ մըն է և իր խօսքերէն ի յայտ եկաւ որ ան խորապէս ծանօթ է և կը տիրապետէ Արցախի հակամարտութեան մանրամասները։
Արտգործ նախարարութենէ ետք ընկ. Աղուան Վարդանեանի յաջորդ հանդիպումը Խորհրդարանի մէջ էր, ուր ան ընդունուեցաւ Հայաստան-Ուրուկուայ Բարեկամութեան Յանձնախոմբի, ինչպէս նաև Միջազգային Հարցերով Քաղաքական Յարաբերութիւններու Յանձնախումբի անդամներու կողմէ։
Հանդիպումը գլխաւորեց հայ ժողովուրդի մեծ բարեկամ և Հայ Դատի զօրակիցներէն ծերակոյտի անդամ, Ռուպէն Մարթինէս Ուէլմօ որ ըսաւ թէ մեծ պատիւ մըն է ընդունիլ Հաաստանի ԱԺի պատգամաւոր Աղուան Վարդաեաը և Հայ Դատ Յանձնախումբի անդամերը։ Խօսելով Հայաստանի և Արցախի մասին, Ուէլմօ շեշտեց թէ բոլոր քաղաքական ուժերը որոնք ներկայացուած են օրէնսդիր երկու պալատներու մէջ, միատեսակ դիրքորոշում ունին, յատկապէս մեզի համար ըսաւ ան, Արցախի կառավարութեան և անոր ժողովուրդի մարդու հիմնարար իրաւունքները, ինչպէս նաև անոր ինքնորոշման իրաւունքը, չեն կրնար փոխարինուիլ զուտ շահաբեր յարաբերութիւններով։ Ծերակոյտի անդամը նաև յիշեց տարաբաղդ ընկ. Վահան Յովհաննէսեանը որ իրենց պատգամաւորական խումբին, երկու տարի առաջ, ընկերակցած էր Արցախ այցելութեան ընթացքին։
խօսք առին նաև մնացեալ պատգամաւորները որոնք գրէթէ կրկնեցին իրենց պաշտօնակիցներու կեցուածքները թէ Հայաստանի և թէ յատկապէս Արցախի իրենց զօրակցութեան նկատմամբ, նոյնիսկ անոնցմէ մին, պատգամաւոր Տանիէլ Ռատիոն, հաստատեց ըսելով թէ Արցախը անբաժանելի մասն է Հայաստանին և մենք իբրև քաղաքական գործիչեր, մեր կարելի միջոցներով պիտի աշխատինք միջազգային գետնի վրայ, Արցախի Հանրապետութեան ճանաչումին ի խնդիր։
Ընկ. Աղուան Վարդանեանի այս կարևոր հանդիպւմները անգամ մը ևս եկան հաստատելու որ Ուրուկուայը, թէ պետական և թէ օրէնսդրական մակարթակերով, հաւատարիմ կը մնայ իր սկզբունքներուն, ինչ կը վերաբերի Հայաստանի և ի մասնաւորի Արցախի հարցին։
Ուրուկուայի Հայ Դատի Յանձնախումբ
