Երևանի քաղաքապետ Տարոն Մարգարյանի ցավակցական խոսքը Մուրադ Մուրադյանի մահվան կապակցությամբ
Ցավով տեղեկացա, որ կյանքի 85-րդ տարում վախճանվել է նշանավոր պետական գործիչ, 1975-85 թթ. Երևանի քաղաքապետ, Երևանի պատվավոր քաղաքացի Մուրադ Մուրադյանը: Մուրադ Մուրադյանի ողջ կյանքը ճշմարիտ հայրենասերի, իսկական պետական գործչի լավագույն օրինակ է, մարդ ով լինելով իր երկրի իսկական քաղաքացի՝առաջնորդվում էր բացառապես պետության շահով ու ազգային վեհ արժեքներով: Նախ Լենինականում, ապա նաև Երևանում նրա թողած գործերը մնայուն արժեք են և դարեր շարունակ լինելու են նրա յուրովի կենդանի ներկայությունը:
Նաև իսկական հայ գերդաստանի հայր էր, հոգատար ծնող, հարազատների ու բարեկամների համար լավագույն ընկեր ու խորհրդատու:
Մուրադ Հովհաննեսիչին հենց այդպես էլ հիշելու են բոլորը:
Խորապես ցավակցում եմ Մուրադ Մուրադյանի ընտանիքին, բոլոր հարազատներին ու բարեկամներին:
Կարդացեք նաև
ՏԱՐՈՆ ՄԱՐԳԱՐՅԱՆ
Երևանի քաղաքապետ
