ՀՖՖ նախագահ Ռուբեն Հայրապետյանի կարծիքով՝ նախօրեին ծեծի ենթարկված ազատամարտիկ Սմբատ Հակոբյանը քաղաքական պատվեր է կատարում՝ հայտարարելով, թե իրեն ծեծողներից մեկն իր թիկնազորից է:
«Դա իրականությանը չի համապատասխանում, նա զրպարտում է ինձ, հասկացեք: Նա ուղղակի քաղաքական պատվեր է կատարում»,- NEWS.am-ի հետ զրույցում ասաց Ռուբեն Հայրապետյանը:
ՀՖՖ նախագահը նաեւ հերքեց ազատամարտիկի պնդումները, թե երեք ամիս առաջ իրենց միջեւ քաղաքական հարցերի շուրջ բանավեճ է եղել, որից հետո Հայրապետյանը սպառնացել է հաշվեհարդար տեսնել Հակոբյանի հետ:
«Նման բան չի եղել: Եթե հետաքրքրվեք իրա շրջապատով, իրա կենսագրությամբ, կիմանաք՝ ինքը հայտնի ստախոս, խարդախ, խաբեբա մարդ է եւ զրպարտում է»,-ասաց Հայրապետյանը:
Կարդացեք նաև
Ռուբեն Հայրապետյանը վերջում խորհուրդ տվեց համոզվելու համար ստուգել՝ իր թիկնազորում Տիգրան անունով աշխատակից կա՞, թե ոչ:
«Իմ թիկնազորում Տիգրան անունով մարդ չկա: Եթե դուք ինձ չեք հավատում, գնացեք ստուգեք: Իմ թիկնազորը ոստիկանության աշխատողներ են պայմանագրով օֆիցիալ ձեւակերպված»,-ասաց ՀՖՖ նախագահը:
Նյութի մանրամասները կարդացեք սկզբնաղբյուր կայքում
Փաստորեն, Ավետյանին սպանողները ոստիկանության աշխատողներ են եղել պայմանագրով օֆիցիալ ձեւակերպված….