Սեպտեմբերի 18-ից 46 օրով դադարեցվել է Մեծամորի ատոմակայանի աշխատանքը: Ատոմակայանի աշխատանքների շարունակության և նոր ատոմակայանի կառուցման հարցերի վերաբերյալ ՀՀ էներգետիկայի եւ բնական պաշարների փոխնախարար Արեգ Գալստյանը ներկայացրեց որոշ մանրամասներ: Նշենք, որ ընթանալու են մետաղի վիճակի վերաբերյալ ստուգումներ, որոնց արդյունքում միայն պարզ կլինի ատոմակայանի հետագա շահագործման հարցը:
Փոխնախարարն այս առիթով պարզաբանեց. «Իրավական դաշտում խնդիրներ, լրացուցիչ դաբրոյի հարց չկա. եթե որոշվում է, որ մետաղի վիճակը լավ է, ապա այո, ատոմակայանը շարունակում է աշխատանքը, հակառակ դեպքում ատոմակայանը կփակենք և սակագինը կբարձրանա: Մենք արդեն ծրագրել ենք նոր ատոմակայանի կառուցումը»:
Պարոն Գալստյանը հայտարարեց, թե 1060 մեգավատանոց մեկ բլոկը 4.6 միլիարդ դոլարի արժողությամբ է, հետո 5.5 միլիարդի մասին խոսք գնաց՝ նոր ատոմակայանի արժեքը»:
Տաթև ՀԱՐՈՒԹՅՈՒՆՅԱՆ
