Մարդու իրավունքների եվրոպական դատարանն այսօր՝ հոկտեմբերի 21-ին, Սաղաթելյանն ընդդեմ Հայաստանի գործով վճիռ է կայացրել: Այս մասին տեղեկանում ենք ՄԻԵԴ կայքից:
Խոսքը Անահիտ Սաղաթելյանի մասին է, որը մինչեւ 2004 թվականը Գեղարքունիքի մարզի ընդհանուր իրավասության դատարանում աշխատել է որպես դատավոր: 2004 թվականին ՀՀ նախագահի հրամանագրով նա ազատվել է աշխատանքից:
Անահիտ Սաղաթելյանն այս որոշումը բողոքարկել է Հայաստանի դատարաններում, սակայն, արդյունքի չհասնելով, դիմել է ՄԻԵԴ-ին: Եվրոպական դատարանի վճռում գրված է, որ Սաղաթելյանը զրկված է եղել դատական համակարգից իրեն հեռացնելու որոշումը վիճարկելու հնարավորությունից:
ՄԻԵԴ վճռի համաձայն՝ խախտվել է Մարդու իրավունքների եվրոպական կոնվենցիայի 6-րդ հոդվածը: 3 ամսվա ընթացքում Հայաստանը պետք է հասցրած վնասի համար Անահիտ Սաղաթելյանինն, 3.600 եվրո վճարեն եւ եւս 1.300 եվրո որպես դատական ծախսերի փոխհատուցում:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
