Փարիզի «Բատակլան» թատրոնում այս գիշեր գերեվարվածները կարծել են, թե կրակոցները ներկայացման մաս են կազմում: Այս մասին «Ria»-ին պատմել է Նինա անունով աղջիկը, որին հաջողվել է կենդանի մնալ:
«Բատակլան» թատրոն ռոք համերգի ժամանակ տեղի ունեցած կրակոցների արդյունքում 110 հոգի են զոհվել:
«Ես «Բատակլան» եկա ընկերներիս հետ: Մենք դահլիճում էինք, երբեք կրակոցներ լսեցինք: Սկզբում կարծում էինք, թե դա ներկայացման մաս է կազմում: Հետո մենք բարձրացրեցինք մեր գլուխները եւ տեսանք, որ կրակողները զինված մարդիկ էին, ահաբեկիչներ, տեսանք մահացած մարդկանց: Մենք անմիջապես ընկանք հատակին եւ ահաբեկիչները ասացին, որ այդպես էլ մնանք»,- պատմել է Նինան:
Աղջկա խոսքերով՝ հակառակ դեպքում ահաբեկիչները սպառնում էին սպանել իրենց. «Նրանք լիցքավորում էին իրենց զենքերը եւ բոլոր կողմերով կրակում էին: Ամեն տեղ դիակներ կային: Ես հիմա շատ հեշտ եմ խոսում, բայց դա ահավոր էր: Իսկապես ահավոր էր: Լավ է, որ իմ բոլոր ընկերները կենդանի ու անվնաս են: Մենք կորցրեցինք իրար ամբոխի մեջ, բայց հետո կարողացանք գտնել: Ոստիկանները մեզ ցույց տվեցին, թե ու գնան եւ այդտեղ մարդիկ օգնում էին մեզ. սուրճ, շոկոլադ էին տալիս, ամեն ինչ անում էին, որ օգնեն»:
Կարդացեք նաև
Նինան նաեւ ասել է, որ օգնության շատ երկար են սպասել. «Ոստիկանությանը մենք շատ երկար սպասեցինք, մոտավորապես մեկուկես ժամ: Մենք մեկուկես ժամ պառկած էինք հատակին՝ մահացածների կողքին: Ոմանք էլ հոգեւարքի մեջ մահանում էին, մնացածներն էլ լալիս էին»:
Պատրաստեց Աշոտ ԻՍՐԱԵԼՅԱՆԸ
Լուսանկարը՝ Reuters-ի:
