«Բակո Սահակյանը Ռուսաստանում որ հայտարարեց Ստեփանակերտի օդանավակայանի վերաբերյալ, ուղղակի նա շատ լավ տեղեկացված է օդանավակայանի հա՛մ վիճակից, հա՛մ հնարավորություններից»,-այսօր «Հայելի» մամուլի ակումբում ասաց ԼՂՀ քաղավիացիայի նախկին պետ Դմիտրի Աթբաշյանը:
Նրա խոսքերով, Ստեփանակերտի օդանավակայանը շատ լավ օդանավակայան է՝ հետաքրքիր պատմությամբ, եւ որը կարող է շատ հանգիստ ընդունել մեծ ինքնաթիռներ եւ հաշվարկված է «Erbas A320-321» «Boeing 737» մակնիշի ինքնաթիռների համար:
«Թռիչքի վազքուղու երկարությունը 2270 մետր է, լայնությունը՝ 45 մետր: Սովետական շրջանում 8-10 չվերթ է իրականացվել, բայց հետո թռիչքները օրեկան հասան 20-25-ի»,-ասաց պարոն Աթբաշյանը:
Պարոն Աթբաշյանը կարծիք հայտնելով վերջերս Եգիպտոսի Սինայի թերակղզում ռուսական կործանված Airbus A321 ինքնաթիռի վերաբերյալ՝ ասաց, որ օդանավի պոչը թռիչքի ժամանակ պոկվելն ունի երկու վարկած՝ ժամանակին օդանավը պոչով կպել էր գետնին եւ առաջացել են ճաքեր կոնստրուկցիայի մեջ, որը, ըստ մասնագետի, դժվար հավատալու է:
Կարդացեք նաև
Նա ավելի հավանական համարեց երկրորդ վարկածը՝ պոչի հատվածում ռումբ են պայթեցրել:
Անուշ ՄԱԹԵՎՈՍՅԱՆ
