Անգլիայում ընթացող «London Chess Classic» գերմրցաշարը թեւակոխեց վճռորոշ փուլ, հետեւաբար, աշխարհի տասը ուժեղագույն գրոսմայստերների պայքարն ավելի է սրվել:
Յոթերորդ տուրում Լեւոն Արոնյանը մրցաշարում առաջին հաղթանակը տարավ՝ արագ պարտության մատնելով Բուլղարիայի շախմատիստների առաջատար Վեսելին Տոպալովին: Անդրանիկ հաղթական միավորը վաստակեց նաեւ աշխարհի չեմպիոն Մագնուս Կարլսենը: Արոնյանն ու Կարլսենը 4,0-ական միավորով Ալեքսանդր Գրիշչուկի եւ Անիշ Գիրիի հետ միասին բաժանում են 2-5-րդ հորիզոնականները:
Ստացվել է մի այնպիսի իրավիճակ, որ գերմրցաշարի ելքը կախված է լինելու վերջին երկու տուրերի արդյունքներից: Այսօր Լեւոնը սեւերով խաղում է Գրիշչուկի, Իսկ Մագնուսը՝ մրցաշարային աղյուսակը եզրափակող «վիրավոր» Տոպալովի հետ, իսկ վաղը եզրափակիչ տուրում Հայաստանի լավագույն շախմատիստը դեմ առ դեմ հանդիպելու է այս պահի միանձնյա առաջատար Մաքսիմ Վաշյե-Լագրավի հետ:
Աշոտ ՀԱԿՈԲՅԱՆ
Կարդացեք նաև
Լուսանկարը՝ londonchessclassic.com-ի
