Հայաստանի Հանրապետության նախագահ Սերժ Սարգսյանը եւ Ադրբեջանի Հանրապետության նախագահ Իլհամ Ալիեւն այսօր Բեռնում ԵԱՀԿ Մինսկի խմբի համանախագահների (դեսպաններ Իգոր Պոպովի, Ջեյմս Ուորլիքի եւ Պիեր Անդրյուի) միջնորդությամբ հանդիպում անցկացրեցին: ԵԱՀԿ գործող նախագահի անձնական ներկայացուցիչ Անջեյ Կասպրչիկը նույնպես մասնակցել է հանդիպմանը:
Համանախագահները նշել են, թե հանդիպումը նախագահներին հնարավորություն տվեց իրենց համապատասխան դիրքորոշումները քննարկել դեմ առ դեմ զրույցի ընթացքում:
Նախագահները քննարկեցին սահմանային վերջին լարվածությունը եւ մտահոգություն հայտնեցին զոհերի, այդ թվում՝ քաղաքացիների սպանվելու առնչությամբ, ինչի պատճառ է դարձել ծանր զինատեսակների կիրառումը:
«Նախագահները աջակցություն են հայտնել համանախագահների կողմից ընթացիկ աշխատանքներին, որոնք ուղղված են շփման գծում եւ հայ-ադրբեջանական սահմանին բռնության վտանգը նվազեցնելուն եւ հետաքննության մեխանիզմներ ստեղծելուն»,- նշված է հաղորդագրությունում:
Կարդացեք նաև
Նախագահները նաեւ պատրաստակամություն են հայտնել շարունակելու իրենց պարտականություններն առաջարկների շուրջ, որոնք ուղղված են հակամարտության խաղաղ կարգավորմանը. «Նրանք նաեւ վերահաստատել են իրենց հանձնառությունը Մինսկի խմբի ձեւաչափին»:
Համանախագահները պատրաստ են Լեռնային Ղարաբաղը կարգավորելու համար շարունակել բանակցային կողմից յուրաքանչյուր կողմի հետ:
Պատրաստեց Աշոտ ԻՍՐԱԵԼՅԱՆԸ
