Ադրբեջանի Միլի մեջլիսում ներկայացվել է «ԱՄՆ-ում մարդու իրավունքների վիճակը» վերտառությամբ օրենքի նախագիծ: «Apa»-ի փոխանցմամբ՝ նախագծի հեղինակն է խորհրդարանին իրավական քաղաքականության եւ պետական շինարարության հանձնաժողովի նախագահի տեղակալ, «Ադրբեջանի Հանրապետության Լեռնային Ղարաբաղի շրջանի ադրբեջանական համայնքի» ղեկավար Ռովշան Ռզաեւը:
Նախագծում նշվում է, որ Ադրբեջանն իր անկախության տարիներին բախվել է երկակի չափանիշների հետ, որոնք տարբեր ժամանակներում կիրառվել են տարբեր երկրների կողմից, այդ թվում՝ նաեւ ԱՄՆ-ի: Գրված է, որ այդ ուժերը ցանկանում իրենց ազդեցության տակ պահել Ադրբեջանին եւ խառնվել նրա ներքին ու արտաքին քաղաքականության մեջ:
Հեղինակը գրել է, որ ԱՄՆ-ում վերջին տարիներին ավելացել է ռասսայական եւ կրոնական խտրականությունը, այլատյացությունը եւ իսլամատյացությունը, վերականգնվել է հասարակության ամբողջական վերահսկողության համակարգն, ավելացել են անձնական կյանք ներխուժը դեպքերը եւ խոսքի եւ մամուլի ազատության սահմանափակումները:
Ադրբեջանի արտաքին գործերի նախարարությանն առաջարկվում է հրաժարվել ԱՄՆ-ի կառավարության անդամների եւ նրանց ընտանիքների անդամներին, կոնգրեսականներին եւ այլ անձանց վիզա տալուց: Նախատեսվում է պատժամիջոցները կիրառել նաեւ Հայկական սփյուռքի հետ համագործակցող անձանց նկատմամբ:
Կարդացեք նաև
Նախագծում առաջարկվում է նաեւ դադարեցնել ԱՄՆ-ի հետ առեւտուրը եւ համագործակցությունը էներգետիկ, ռազմական ու անվտանգության հարցերում:
Պատժամիջոցները վերացնելու համար 4 կետ է առաջարկված, որոնցից մեկը Լեռնային Ղարաբաղի հակամարտության գործում միասնական դիրքորոշում արտահայտելն ու Հայաստանի դեմ պատժամիջոցներ կիրառելն է:
Պատրաստեց Աշոտ ԻՍՐԱԵԼՅԱՆԸ
