Ինչպես արդեն տեղեկացրել ենք, այսօր Եվրոպայի խորհրդի խորհրդարանական վեհաժողովի (ԵԽԽՎ) լիագումար նիստում քննարկման էին դրված հակահայկական երկու բանաձևեր` Ռոբերտ Ուոլթերի «Բռնության աճը Լեռնային Ղարաբաղում ու Ադրբեջանի մյուս օկուպացված տարածքներում» և բոսնիացի պատգամավոր Միլիցա Մարկովիչի ՝ «Ադրբեջանի սահմանամերձ շրջանների բնակիչները միտումնավոր զրկված են ջրից» վերնագրերով:
Ռոբերտ Ուոլթերի բանաձևը ԵԽԽՎ-ն մերժեց: Օրակարգում մնաց Միլիցա Մարկովիչի զեկույցը:
Զեկույցի քննարկումից հետո ԵԽԽՎ հայաստանյան պատվիրակության անդամ Արմեն Ռուստամյանն առաջարկեց այն Ռոբերտ Ուոլթերի զեկույցի նման ևս ուղարկել քաղաքական հանձնաժողով, քանի որ զեկուցողը պատրաստել է միակողմանի զեկույց, նա անգամ չի եղել Սարսանգի ջրամբարում, չի տեսել Սարսանգի ջրամբարը:
Միլիցա Մարկովիչը պնդեց, թե ցանկություն հայտնել է այցելել Հայաստան, սակայն ոչ իր մեղքով՝ հնարավորություն չի ունեցել:
Կարդացեք նաև
Արմեն Ռուստամյանի առաջարկը պատվիրակները մերժեցին:
Այնուհետև զեկույցը դրվեց քվեարկության: Այն ընդունվեց 98 «կողմ», 71 «դեմ», 40 «ձեռնպահ» ձայների հարաբերակցությամբ:
Տաթև ՀԱՐՈՒԹՅՈՒՆՅԱՆ
Ամոթ է: Ամբողջ կազմով պետք է փոխել ՀՀ պատվիրակության կազմը, իսկ այնուհետև այդ մճտական պատգամավորներին զրկել պատգամավորական մանդատներից: Թե ինչպես դա անել: Կարող եմ ասել, որ ներքին կարգով ավելի բարդ խնդիրներ են լուծվում: Նրանք կրկին իրենց հերթական սուտը կարողացան փաթաթել բոլորի վզին: