Արևմտյան Ավստրալիայից սենատոր Ջո Բուլոքը ուղերձ է հղել Ավստրալիայի սենատում՝ քննադատելով Ներկայացուցիչների պալատի անդամ Լյուք Սիփքինսի հակահայ հայտարարությունը Լեռնային Ղարաբաղի շուրջ: Այս մասին հաղորդում է Ավստրալիայի Հայ Դատի հանձնախմբի կայքը:
Նոյեմբերի 12-ին Սիփքինսը հանդես էր եկել հակահայ հայտարարությամբ՝ կոչ անելով Հայաստանին դուրս բերել իր զորքերը «Ադրբեջանի գրավյալ տարածքներից»:
2016թ. խորհրդարանի առաջին նիստում Բուլլոքը դեմ է արտահայտվել Սիմփքինսի «ոչ քննադատական աջակցությանը Ադրբեջանին»՝ հիշեցնելով, Լեռնային Ղարաբաղի պատմությունը և ընդգծելով, որ այստեղի ժողովուրդն արժանի չէ Արևմտյան Ավստրալիայի պատգամավորի նման վերաբերմունքին: Իր ելույթում Բուլլոքը նաև հիշատակել է Հայոց ցեղասպանությունը՝ որպես պատմական իրողություն, ինչպես նաև մատնանշել Լեռնային Ղարաբաղի հայերի ազատ ինքնորոշման իրավունքը:
«Ինչպե՞ս կարող է մի ժողովուրդ, ով դարերով շարունակաբար ապրել է այս տարածաշրջանում, օկուպացնել սեփական հողերը»,- իր ելույթում ասել է Բուլլոքը՝ հիշեցնելով Լեռնային Ղարաբաղի պատմական անցյալը:
Կարդացեք նաև
«Նման ոչ քննադատական աջակցությունը Ադրբեջանական անհեթեթությանը առաջ է քաշում այս փոքրիկ քաջարի ժողովրդի ինքնասպանության հարցը, խլում է նրա 25-ամյա ժողովրդավարությունը և նրա ժողովրդին հանձնում Ադրբեջանի կառավարության ենթադրյալ գթասրտությանը, ինչը միայն կարող է սրել Ադրբեջանի անզիջում դիրքորոշումը՝ Լեռնային Ղարաբաղի իրողությունը մերժելու հարցում»,- ասել է Բուլլոքը:
Ելույթի ավարտին պատգամավորը հիշեցրել է նոբելյան մրցանակակից Անդրեյ Սախարովի խոսքերը Ադրբեջանի վերաբերյալ. «Ադրբեջանի համար Ղարաբաղը հարցը ամբիցիայի հարց է. հայերի համար Ղարաբաղը կյանքի և մահվան հարց է»:
Պատրաստեց՝ Վիկտորյա ԱՆԴՐԵԱՍՅԱՆԸ
