Փետրվարի 26-ին վիրահայոց թեմի «Հայարտուն» կենտրոնում տեղի ունեցած Հայոց ցեղասպանության 100-րդ տարելիցի միջոցառումները համակարգող Վրաստանի հանձնախմբի 2015 թվականի գործունեության տարեկան ժողովի ժամանակ, Վրաստանում Հայաստանի դեսպան Յուրի Վարդանյանը ցեղասպանությունը համարել է զավեշտական:
«Ես ցեղասպանություն հասկացողությունն ընդունում եմ շատ զավեշտական, շատ անընդունելի, շատ լայնածավալ ու խորացված թեմա, որով ցեղասպանություն ինչ է նշանակում ցեղ վերացնել, ինչ է նշանակում 1,5 հայերի գլխատել, սա շատ անընդունելի, շատ անհասկանալի արարք է, որ տեղի է ունեցել հարյուր տարի առաջ…»,- ժողովի ժամանակ հայտարարել էր դեսպանը:
ԱԺ ՀՀԿ-ական պատգամավոր, ջավախցի Տաճատ Վարդապետյանը դեսպանի հայտարարությունը վրիպակ է համարում. «Պարզապես բառերը միմյանց կապելու թերություն է, ոչ թե դիտավորություն: Ես ինքս չեմ նայել այդ տեսագրությունը, բայց, ի վերջո կար ժամանակ, որ մենք հպարտանում էինք Յուրի Վարդանյանով: Կրկնում եմ՝ բառերը ոչ տեղին օգտագործելու վրիպակ է եղել»:
Կարդացեք նաև
Մեր հարցին, թե դեսպանի մակարդակով նման վրիպակներն ինչ հետեւանքներ կարող են ունենալ, ասաց՝ այդ հարցին չեմ պատասխանի ու ընդհանրապես հրաժարվեց այլ հարցերի պատասխանել:
Դեսպանի հայտարարությունը չցանկացավ մեկնաբանել նաեւ Հայոց ցեղասպանության թանգարան-ինստիտուտի տնօրեն Հայկ Դեմոյանը: Ասաց՝ դեսպանների հայտարարություններին ցեղասպանության վերաբերյալ կանդրադառնա ասուլիսով:
Արփինե ՍԻՄՈՆՅԱՆ
Խի կմեկնաբանեն, որ: Շառից-փորձանքից հեռու: Կարեւորը թագավորն ու իրանք ապրած կենան: