Բաց նամակ ՀՀ ԿԳ նախարար
Լեւոն Մկրտչյանին
ՀՀ-ում տարվող խիստ հետամնաց գիտավարչական քաղաքականության պատճառով ԿԳՆ ԳՊԿ-ի գիտաավերիչ գործունեությունն աղետալի վիճակի է հասցրել երկրի ամբողջ գիտահամալսարանական համակարգը, որը իր հերթին բերել է մեր բանակի գիտապաշտպանական համակարգի խարխլմանը:
Ակնհայտ է, որ մեր զոհերի թիվը ռազմադաշտում կլիներ անհամեմատ քիչ, եւ կբացառվեր կեղծ գիտական թեզերի անվան տակ զինվորական ծառայությունից խուսափման համատարած դեպքերը, եթե հանրապետությունում տարվեր ոչ թե կոռումպածին, այլ քաղաքակիրթ երկրին հարիր ազգանպաստ գիտավարչական քաղաքականություն:
Հաշվի առնելով, որ ԳՊԿ-ի գիտաավերիչ գործունեության զոհ են դարձել հանրապետությունում գիտապաշտպանական նշանակության բժշկա-կենսաբանական բազմաթիվ ուղղություններ՝ ՀՀ ԿԳՆ ԲԿՄՀՈՒԿ-ի ՅՈՒՆՍԿՕ-ի Բժշկակենսագիտության ամբիոնը, որը կոչված է օժանդակելու բնագավառի զարգացմանը հանրապետությունում, իր պարտքն է համարում անկախ մասնագիտական, այլընտրանքային փորձաքննության ենթարկել բժշկակենսաբանության բնագավառի միայն 2016 թ. թեմատիկ ֆինանսավորման մրցույթի արդյունքների գիտական հիմնավորումները: Համոզված ենք, որ նման ուսումնասիրման արդյունքում կպարզվի, որ պատերազմող երկրում ԳՊԿ-ի կողմից կեղծ փորձագիտության եւ «Քենդելանման» անհեթեթ ծրագրերի անվան տակ գիտության միջոցների խմբակային թալանը ոչ այլ ինչ է, եթե ոչ ազգային դավաճանություն սեփական երկրի հանդեպ:
Ուստի, հիմք ընդունելով ՀՀ Տեղեկատվության ազատության մասին օրենքը, դիմում եմ Ձեզ խնդրանքով՝ ՅՈՒՆԵՍԿՕ-ի Բժշկակենսագիտության ամբիոնին տրամադրել բժշկակենսաբանության բնագավառի թեմաների վերաբերյալ փորձագետների հայալեզու եւ անգլալեզու գիտական հիմնավորումները, քանի որ ներկայացված կարծիքները զուրկ են գիտական բովանդակությունից:
Կարդացեք նաև
Ակնկալում եմ, որ ԿԳՆ ղեկավարությունը կօժանդակի այս հարցում, քանզի այն նպատակ է հետապնդում շտկելու ՀՀ գիտավարչական բնագավառում տիրող քրեածին վիճակը, որը վտանգում է ոչ միայն երկրի քաղաքակիրթ ապագան, այլեւ նրա անվտանգությունը:
Խորին հարգանքով՝
ՅՈՒՆԵՍԿՕ-ի կենսագիտության ամբիոնի վարիչ,
պրոֆեսոր
ՍԻՆԵՐԻԿ ՀԱՅՐԱՊԵՏՅԱՆ
«Առավոտ» օրաթերթ
14.04.2016
Պարոն Սեներիկ, Սույն նախարարը տարիներ առաջ ասում էր. Հայաստանին կենսաքիմիկոսներ պետք չեն, Էլ ինչ էք սպասում …