Դեռեւս նախորդ տարի Շիրակի մարզի Հառիճ գյուղի վանական համալիրում կազմակերպված հոգևոր երաժշտության փառատոնին մասնակցելիս՝ նկատեցինք, որ այստեղ կա Ղազախստանի նախագահ Նուրսուլթան Նազարբաևի անվան փողոց: Ու քանի որ գյուղերի փողոցները, ընդունված կանոնակարգի համաձայն, համարակալվում են, չկա իրավունք անուններ դնելու, գյուղապետ Ռոլանդ Նազարեթյանից հետաքրքրվեցինք, թե հայերին ցուցաբերած ո՞ր մի լավ վերաբերմունքի համար է փողոցը անվանակոչվել Նազարբաևի անվան:
Գյուղապետն այդ ժամանակ անկեղծորեն ասաց, որ շահամոլությունն է դրդել. անվանակոչել են, որպեսզի ղազախները գյուղին մի քիչ օգուտ տան: Նույնիսկ կատակեց, թե. «Թող գյուղին օգուտ լինի, մի լավ բան լինի իմ գյուղի համար, եթե տեսանք, որ բան չի լինում, Նազարբաևը կդարձնենք Նազարեթյան, ի՞նչ է եղել»:
Նա միաժամանակ պարզաբանեց, որ իրենք ղազախների հետ սկսել են համագործակցել Արթիկի տարածաշրջանի նախկին պատգամավոր Մխիթար Վարագյանի շնորհիվ, որի՝ Ղազախստանում բնակվող եղբայրը սերտ կապեր ունի Նազարբաևի հետ:
Հառիճը, ըստ գյուղապետի, 1400-1947 թվականներին կոչվել է Ղփչաղ, ղազախներն էլ, ղփչաղցիներին համարելով իրենց ցեղակից, եկել, բարեկամացել են իրենց հետ, վերանորոգել են գյուղի մանկապարտեզը, գրադարան են բացել ու այսպես սկսվել է համագործակցությունը:
Կարդացեք նաև
Ի դեպ, այդ փողոցը ասֆալտապատվել է Սերժ Սարգսյանի նախաձեռնությամբ:
Նկատենք, որ այս թեմայով մեր հրապարակումները բավական ծանր էր տարել ՀՀ-ում Ղազախստանի նախկին դեսպան Այիմդոս Բոզժիգիտովը: Վերջինս, այցելելով Գյումրի, նախ իր դժգոհությունը հայտնեց մեզ, այնուհետ շտապեց բողոք ներկայացնել Aravot.am-ի դեմ Շիրակի նախկին մարզպետ, գեներալ Ֆելիքս Ցոլակյանին, որն էլ իր հերթին հասկացրել էր դեսպանին, որ Հայաստանում լրատվամիջոցներն անկախ են, պաշտոնյան չի կարող հրահանգներ տալ՝ թե սա գրի, սա մի գրի:
Իսկ այս օրերին, երբ Էրդողանն ու Նազարբաեւը գրկախառնվում են Թուրքիայում, իրար ձեռք բռնած ման գալիս՝ ի ցույց աշխարհի, Կոմիտաս Վարդապետ ու Ավետիք Իսահակյան կրթած հառիճցիները պոկում են Նազարբաեւի անունը կրող ցուցանակը՝ այսպես արտահայտելով իրենց վրդովմունքը:
Իհարկե, գյուղում 3 տեղ պահպանվել են ցուցանակները, սակայն կարծում ենք, որ դա էլ իրենց հերթին կհեռացնի Շիրակի դաշնակցական իշխանությունը՝ հղում տալով օրենքին, որ գյուղական փողոցները համարակալվում են: Ի վերջո, Հառիճը տուրիստական կենտրոն է, տարբեր անկյուններից գալիս են պատմական այս վայրը տեսնելու ու ճիշտ ժամանակն է՝ փողոցները հայրենիքի համար կյանք տված մերօրյա հերոսների անուններով անվանակոչելու:
Ի դեպ, 2015 թվականի ապրիլի 10-ին ղազախները իրենց երկիրը շենացրած, Ղազախստանի նախկին ղեկավար Լեւոն Միրզոյանի անունը կրող Աստանայի կենտրոնական պողոտան անվանափոխեցին՝ դարձնելով Ղազախստանի Գիտությունների Ազգային Ակադեմիայի առաջին նախագահ Քանիշ Սատպաևի անունով:
Քաղաքագետ Գագիկ Համբարյանի համոզմամբ, Նազարբաեւն այս անվանափոխությունը կատարեց Բաքվից ստացած պատվերով. մինչև Ղազախստանի ԿԿ առաջին քարտուղարի պաշտոնը ստանձնելը, Լեւոն Միրզոյանը 1926-29 թթ. եղել է Ադրբեջանի ԿԿ Առաջին քարտուղարը, իսկ հայի կողմից 3 տարի շարունակ Ադրբեջանը ղեկավարելու փաստը ծանր է տարել Իլհամ Ալիևը, որը որոշել էր հետմահու պայքարել Լեւոն Միրզոյանի դեմ:
Նունե ԱՐԵՎՇԱՏՅԱՆ
Նազարբաեւի անունը կրող փողոցի պոկված ցուցանակի լուսանկարը՝ լրագրող Արմենուհի Մխոյանի
Զզվանքս եկավ կարդալուց: Խի պիտի հայկական որեւէ բնակավայրում Նազարբաաեւի անունով փողոց լինի, որ մի հատ էլ նեղվենք…օգնություն էի՞ք ուզում… ստացա՞ք… շահածախված մուրացկաններ….
Ի դեպ, այդ փողոցը ասֆալտապատվել է Սերժ Սարգսյանի նախաձեռնությամբ:
«Թող գյուղին օգուտ լինի, մի լավ բան լինի իմ գյուղի համար, եթե տեսանք, որ բան չի լինում,
Նազարբաևը կդարձնենք Նազարեթյան, ի՞նչ է եղել»:
Նա միաժամանակ պարզաբանեց, որ իրենք ղազախների հետ սկսել են համագործակցել Արթիկի տարածաշրջանի նախկին պատգամավոր Մխիթար Վարագյանի շնորհիվ, որի՝ Ղազախստանում բնակվող եղբայրը սերտ կապեր ունի Նազարբաևի հետ:
հասկանում ե՞ք