ՊՆ նախկին փոխնախարար Անդրանիկ Քոչարյանն «Առավոտի» հետ զրույցում անդրադարձավ բարձրաստիճան զինվորականների պաշտոնանկությանը:
Հիշեցնենք, որ այսօր ՀՀ նախագահի հրամանագրով աշխատանքից ազատվել են ՊՆ փոխնախարար Ալիկ Միրզաբեկյանը, ՀՀ Զինված ուժերի կապի զորքերի պետ-կապի եւ ավտոմատացված կառավարման համակարգերի վարչության պետ Կոմիտաս Մուրադյանը եւ ՀՀ Զինված ուժերի գլխավոր շտաբի հետախուզության վարչության պետ Արշակ Կարապետյանը:
Անդրանիկ Քոչարյանն ասաց, թե այս պաշտոնանկություններից հետո ինչ պետք է առաջին հերթին անի կառավարությունը. «Պետք է պարտադրել կառավարությանը լուծել կոռուպցիայի խնդիրը: Քանի որ հասարակությունն էլ է մասնակից դառնում այս ամենին՝ իր անհանդուրժողականության դրսեւորման ձեւով, որը շատ կարեւոր է, իշխանություններին ոչինչ չի մնում, քան այդ հարցերին լուծում տալ: Ինչքան ուշացնեն՝ այդքան առաջին հերթին վատ իրենց համար: Բայց շատ ավելի վատ է մեր երկրի համար, որովհետեւ մենք ամեն օր թուլանում ենք, իսկ հակառակորդը մեր թուլության որոշ նշաններ արդեն գտել է: Այդ թուլության արագ հաղթահարումն է, որ կկանգնեցնի հետագա զարգացումները»:
Անդրանիկ Քոչարյանի դիտարկումները ՊՆ եւ կառավարության բացթողումների մասին կարդացեք «Առավոտի» վաղվա համարում:
Կարդացեք նաև
Հռիփսիմե ՋԵԲԵՋՅԱՆ
