Սիրելի´դիրքապահ զինվորներ և սպաներ, մայիսյան հաղթանակների շարունակողը այսօր դուք եք և առաջին հերթին ցանկանում եմ շնորհավորել ձեզ: Երկրի սահմաններն ամուր են ձեր շնորհիվ, դուք պաշտպանում եք ոչ միայն ձեր կանգնած դիրքը, այլև` ողջ հայրենիքը: Շնորհավորում եմ բոլորիդ` մայիսյան եռատոնի առթիվ, թող որ ձեր բազկի ուժը միշտ սարսափի մեջ պահի թշնամուն:
Հայրենական մեծ պատերազմի և Շուշիի հաղթանակները թող որ միշտ ձեր ուղեկիցը լինեն, քաջալերեն և վստահություն ներշնչեն: Մայիսի 9-ի եռատոնի մյուս խորհուրդը ԼՂՀ պաշտպանության բանակի կազմավորումն է, ինչի զարգացումն ու շարունակականությունը ձեր շնորհիվ է:
Խոնարհվում եմ 1990-ականներին և մեր օրերում զոհված զինվորների շիրիմների, նրանց ընտանիքների առջև: Խոնարհվում եմ հերոսաբար դիրքը պահած վիրավոր զինվորների առջև և մաղթում շուտափույթ ապաքինում:
Շնորհավորում եմ ողջ ազգին` մայիսյան հաղթանակների առթիվ: Առաջնագծում հաղթանակը սերտորեն կապված է թիկունքի միաբանության հետ: Վերջին իրադարձությունները ցույց տվեցին, որ հայ ազգը կարող է համախմբվել ու կանգնել զինվորի կողքին: Ցանկանում եմ, որ համախմբված լինենք բոլոր հարցերում, ինչը հատկապես այս օրերին շատ է անհրաժեշտ:
Կարդացեք նաև
Գեներալ-մայոր Արկադի Տեր-Թադևոսյան
Երեկ լսեցի Կոմանդոսի՝Գայանե Փայտյանին տված հարցազրույցը: Ինձ հուզող հարցերի պատասխաններն ավելի շուտ նրա հարցազրույցից ստացա, քան երկրի նախագահի հակասական ու աբստրակտ ելույթներից: Չեմ հասկանում ու չեմ ընդունում պարտվողական, վախկոտ ու զիջողական խաղերը, որ տալիս են իշխանությունները: Թող Կոմանդոսի հարցազրույցը մի հատ լավ լսեն: Մի հատ մենաշնորհ, որ կախ տաս, չեն զիջի, բայց արյունով ազատագրված տարածքներ էնպես էլ մի պատրաստակամ են զիջելու, ընդ որում հենց անկախության բոլոր երեք նախագահները: