Մայիսի 9-ին Հայոց Եռատոնին նվիրված տոնական միջոցառում կայացավ Կոտայքի մարզի Քանաքեռավանի հուշահամալիրում, որտեղից պարզ երևում էին Հայոց լեռները՝ Արարատը, Արագածը, Արան։
Տոնական ցերեկույթի մասնակիցները Քանաքեռավանի միջնակարգ դպրոցի աշակերտներն էին տնօրեն Կարապետյանի և զինղեկ, պահեստազորի մայոր Արկադի Սարգսյանի ղեկավարությամբ, դասղեկների ու դասվարների աջակցությամբ։ Իր սաներին և աշխատակիցներին օրվա առթիվ շնորհավորեց դպրոցի տնօրենը՝ կարևորելով Մեծ Հայրենականում մեր պապերի տարած հաղթանակը՝ փառաբանելով Շուշին ազատագրած քաջորդիներին։
Առանձնապես նշեց, որ անկախ ինչ մասնագետ կդառնան իր սաները, կարևորը մնան հայրենիքում ու շենացնեն իրենց տունը։ Դպրոցի 9-րդ Ա և Բ դասարանների աշակերտները զինվորական հագուստով էին և զինղեկի հրամանով՝ ըստ դասակների, անցան շարային քայլով։ Ջոկի հրամանատարը տնօրենին զեկուցեց՝ պատրաստեն տոնական հանդեսին։ Տարրական դասարանի 6 աշակերտ Հայոց Եռագույնն էին տանում։ Տեղի ունեցավ ծաղիկների խոնարհում, այնուհետև հայրենասիրական երգերով հանդես եկան դպրոցականները։ Տոնական միջոցառմանը ներկա էին նաև ծնողներ։
Կարդացեք նաև
Լրատվությունն ամբողջությամբ՝ շուտով
Զոհրաբ ԸՌՔՈՅԱՆ
