Մոսկվայում ընդհանուր մենամարտերի OFS 8 մրցաշարի շրջանակներում 56 վայրկյանում ադրբեջանցի Ռուսլան Մուրթազովին խեղդող հնարքով հաղթելուց հետո 57 կգ քաշային Ալբերտ Ղազարյանն ու մարզիչը՝ Արմֆայթինգ ֆեդերացիայի նախագահ Հայկ Ղուկասյանն այսօր վերադարձան Երեւան:
«Զվարթնոց» օդանավակայանում Aravot.am-ը դիմավորեց նրանց:
«Մենք բոլորս ապացուցեցինք, որ հայն ուժեղ է, որ ադրբեջանցին այնքան չկա, որ հաղթի հային: Գիտեի, որ մրցակիցս ադրբեջանցի է լինելու եւ նրանից այդպիսի պահվածքի (մարտից առաջ նրա հայտարարությունը, թե հինգ րոպե հետո Ալբերտն այլեւս բան չի ունենա անելու եւ կարող է տուն գնալ: Ա. Հ.) սպասում էի: Մարզչիս՝ Հայկ Ղուկասյանի, եւ մեր թիմի հետ շատ լավ ուսումնասիրել էինք նրա ուժեղ եւ թույլ կողմերը, կազմել մարտավարության տարբեր սցենարներ: Եվ արեցինք՝ ինչ անհրաժեշտ էր: Դուք դա տեսաք: Ուզում էի նրան ավելի երկար ծեծել, բայց մրցավարը չթողեց», – ասաց Ալբերտը:
Մեկնաբանելով մարտից հետո արված ժեստը, որը համացանցում շատ մեծ արձագանք գտավ, Ալբերտ Ղազարյանն ասաց. «Կարելի է ասել՝ կորիր գրողի ծոցը»:
Կարդացեք նաև
Աշոտ ՀԱԿՈԲՅԱՆ
