ԼՂՀ «Ազգային Վերածնունդ» կուսակցության ԱԺ պատգամավոր Հայկ Խանումյանին ծեծի ենթարկելու առթիվ ԼՂՀ մարդու իրավունքների պաշտպանի գրասենյակը հանդես է եկել հայտարարությամբ, որով կատարվածը դատապարտում են, եւ նշված է, որ ՄԻՊ աշխատակազմը փաստի առթիվ դիմում չի ստացել:
Aravot.am-ը ԼՂՀ մարդու իրավունքների պաշտպան Ռուբեն Մելիքյանից հետաքրքրվեց՝ եթե ԼՂՀ ՄԻՊ գրասենյակը փաստի առթիվ դիմում չի ստացել, արդյոք որպես ՄԻ պաշտպան չի՞ պատրաստվում այլ քայլեր ձեռնարկել, ինչին ի պատասխան Մելիքյանն ասաց, որ հասարակական հնչեղություն ունեցող դեպք է եւ իրենք հանդես են եկել հայտարարությամբ, հետեւելու են իրավապահ մարմինների կողմից իրականացվող քննությանը:
Մեր այն հարցին էլ՝ արդյոք որպես ՄԻ պաշտպան այցելել է պատգամավոր Հայկ Խանումյանին, Մելիքյանն ասաց. «Չեմ ուզում հստակ ասել՝ կայցելենք, թե՝ ոչ, ես առողջական վիճակի մասին էլ այս պահին տեղեկություն չունեմ՝ դուրս կգրվի՞, չի գրվի: Մեր հետագա քայլերի մասին կտեղեկացնենք»:
Նելլի ԲԱԲԱՅԱՆ
Էլ ի՞նչ Մարդու իրավունքների պաշտպան: Ձևական պաշտոն: