Ռուսաստանի Դաշնություն կատարելիք պաշտոնական այցից մի քանի ժամ առաջ Իսրայելի վարչապետ Բենիամին Նեթանյահուն բացառիկ հարցազույց է տվել ռուսական «ՏԱՍՍ» լրատվական գործակալությանը։
Բավականին ծավալուն հարցազրույցի ընթացքում Նեթանյահուն խոսել է ռուս-իսրայելական հարաբերությունների և համաշխարհային մի շարք զարգացումների ու դրանցում Իսրայելի ներգրավվածության մասին։
Անրդադառնալով երկու երկրների հարաբերություններին՝ Նեթանյահուն ասել է, որ Ռուսաստանը՝ համաշխարհային, իսկ Իսրայելը, տարածաշրջանային տերություններ են և այդ պետություններն ունեն ընդհանուր հետաքրքրություն ներակայացնող մի շարք հարցեր։ Նեթանյահուի խոսքերով՝ երկու երկրների միջև հարաբերություններն ապրապնդվում են և կողմերը խոր հարգանք են տածում միմյանց հանդեպ։
Վարչապետին հարց է ուղղվել, թե ինչ է փոխվել աշխարհում՝ վերջին մի քանի տարիների ընթացքում։ Հարցին ի պատասխան Իսրայելի կառավարության ղեկավարն ասել է. «Ամենամեծ փոփոխությունը, որ տեղի է ունեցել այս տարիների ընթացքում, ռադիկալ իսլամի դիրքերի ուժեղացումն է. շիայական իսլամի ուժեղացումը, որը ղեկավարում է Իրանը և սունիական ռադիկալ իսլամը, որը տվյալ պահին առաջնորդում է «Իսլամական պետություն» ահաբեկչական խմբավորումը»։
Կարդացեք նաև
Իսրայելի վարչապետ Նեթանյահուն ավելացրել է նաև, որ Իսրայելը Մերձավոր Արևելքում ամենահուսալի, ամենակայուն երկիրն է. «Մենք ուժեղ պետականություն ունենք, ուժեղ ժողովրդավարություն, ուժեղ բանակ, ուժեղ հետախուզություն, ուժեղ տնտեսություն»։
