ՀՀ տարածքային կառավարման եւ զարգացման նախարարությունում մեքենաների կրճատման գործն ավարտվել է: Այդ մասին խորհրդարանում լրագրողների հետ զրույցում ասաց նախարար Դավիթ Լոքյանը: Հիշեցնենք`ծառայողական մեքենաների կրճատման, ընդհանրապես, ծախսերի օպտիմալացման եւ «գոտիները ձգելու» հանձնարարական տրվել էր վարչապետի կողմից, կառավարության վերջին նիստերից մեկում, մոտ մեկ ամիս առաջ:
«Նախարարությունում 9 մեքենա է եղել, 4-ը կրճատվել են. երկուսը` ՊՈԱԿ-ում, երկուսը՝ նախարարությունում: Երեք մեքենա մեզ մնացել էր Արտակարգ իրավիճակների նախարարությունից, մեզ մոտ գործել է 6 մեքենա»,- մանրամասնեց նախարարը:
Նախարարությունում քննարկումներ են սկսվել նաեւ որոշ աշխատատեղերի կրճատման մասով: Որոշ հաստիքներ կկրճատվեն: Նախարար Դավիթ Լոքյանն առայժմ չի կարող հստակեցնել, թե ո՞ր հաստիքները կկրճատվեն` հանձնաժողովը կհստակեցնի:
