ՀՀ տրանսպորտի եւ կապի նախարար Գագիկ Բեգլարյանը, որը եղել էր Վրաստանում, կառավարության այսօրվա նիստում ներկայացրեց Լարսի անցակետում առկա իրավիճակը:
Նա նշեց, որ դեռ երեկ երեկոյան անցակետը սկսել է աշխատել ցերեկային ռեժիմով. «Այս նույն ռեժիմով անցակետը ամենաշատ չորս-հինգ օր կաշխատի, որից հետո կանցնի քսանչորսժամայա ռեժիմի: Դեռեւս շարունակում մտահոգիչ մնալ այն, որ սարերի վրա հինգ տոննա կախված, հոսելու հող կա: Հիմա տեղի իշխանությունները մտածում են այդ ճանապարհի վրա վերգետնյա թունել կառուցել, որը, սակայն, մեծ ծախսերի հետ է կապված: Այդ ճանապարհը մեզ համար միշտ վտանգավոր է լինելու, հատկապես անձրեւներից հետո: Մեր գործարարներին կոչ եմ անում՝ լաստանավերի հնարավորությունը աչքի առաջ ունենալ, քանի որ ամեն պահ Լարսի անցակետը կարող է նորից փակվել»:
Վարչապետ Հովիկ Աբրահամյանը Գագիկ Բեգլարյանին արձագանքեց. «Ժամանակն է այլընտրանքային ճանապարհի մասին մտածել»:
Նելլի ԲԱԲԱՅԱՆ
