Գյումրիում սեպտեմբերին կայանալիք քաղաքապետի ընտրություններում ԲՀԿ-ն չի սատարելու գործող քաղաքապետ Սամվել Բալասանյանին:
«Հայելի» ակումբում լրագրողների հետ հանդիպմանը ԲՀԿ խմբակցության պատգամավոր Միքայել Մելքումյանը հստակեցրեց, որ իրենք ո՛չ անուղղակի, ո՛չ ուղղակի կերպով չեն սատարելու Սամվել Բալասանյանին. «Մենք ունենք ութ հազարից ավելի լիցենզավորված անձինք, ինչը լրիվ բավարար է, նույնիսկ՝ գերբավարար, որ նրանցից մեկին սատարենք:
Պարզաբանելով այն հարցը, թե վերջնակա՞ն որոշում է այն, որ Գյումրու ավագանու անդամ, ԲՀԿ Գյումրու կառույցի նախագահ Արմեն Բադեյանը չի առաջադրվելու Գյումրիի քաղաքապետի ընտրություններում, Միքայել Մելքումյանն այդպես էլ հստակ պարզաբանում չներկայացրեց:
ԲՀԿ-ն լքելու մասին շահարկումներին ի պատասխան՝ պատգամավորն ասաց. «ԲՀԿ-ն թող լինի ինկուբատոր, ԲՀԿ-ին որևէ մեկը չի կարող ջլատել»:
Կարդացեք նաև
Միքայել Մելքումյանն ինքն էլ չի պատրաստվում լքել ԲՀԿ-ն. հիշեցնում է, որ 2006-ին ԲՀԿ-ն հիմնած տասն անձանցից մեկն է:
Տաթև ՀԱՐՈՒԹՅՈՒՆՅԱՆ
