Ինչպես արդեն տեղեկացրել էինք, Գեւորգ Սաֆարյանի գործով դատական նիստի ընթացքում դատարանը որոշում կայացրեց դատական սանկցիա կիրառել երկու տղամարդկանց նկատմամբ: Երբ կարգադրիչները դահլիճում ներկա անձանց դատական նիստերի դահլիճից դուրս էին հանում, այդ տղամարդկանցից մեկը՝ Հիմնադիր խորհրդարանի անդամ Շահեն Պողոսյանը սկսեց բողոքել:
Կարգադրիչները, նրան դուրս հանելով, ասացին՝ «այստեղ միտինգ չեն անում», եւ նրանցից մեկը՝ մյուսին ասաց, որ նրան դահլիճ ներս չթողնեն: Երբ ընդմիջումը ավարտվեց, քաղաքացիներին ներս հրավիրեցին: Շահեն Պողոսյանը եւս ցանկություն հայտնեց դատական նիստին մասնակցել, սակայն կարգադրիչները նրան չթողեցին եւ բռնի ուժով դատարանի շենքից դուրս հանեցին:
Ամի ՉԻՉԱԿՅԱՆ