Այսօր Լեհաստանի մայրաքաղաք Վարշավայում կմեկնարկի ՆԱՏՕ-ի հերթական գագաթնաժողովը: Գագաթնաժողովի օրակարգում կլինեն առանցքային հարցեր, որոնք վերաբերելու են թե՛ ՆԱՏՕ-ի, թե՛ Եվրամիության հեռանկարներին, նոր մարտահրավերներին, անելիքներին:
ՆԱՏՕ-ի գագաթնաժողովից առաջ հրապարակվեց Եվրամիության անվտանգության նոր ռազմավարությունը, որտեղ հանգուցային կետն այն էր, որ Ռուսաստանը դիտվում է ԵՄ ռազմավարական մարտահրավեր:
Ի՞նչ է որոշելու այս ուղղությամբ ՆԱՏՕ-ն: Ռուսաստանը կրկին կհռչակվի՞ մարտահրավեր, թե՞ ՆԱՏՕ շրջանակում այն արդեն կդիտվի պարզապես որպես սպառնալիք: Համենայնդեպս, ՆԱՏՕ-ի գագաթնաժողովից առաջ խորհրդատվական մի շարք փաստաթղթերում, որ մշակել են դաշինքի հետ սերտորեն աշխատող եվրաատլանտյան տարբեր վերլուծական կենտրոններ, անհրաժեշտություն է համարվում Ռուսաստանի հետ հարաբերությունների կոշտացումը, անվտանգության միջոցառումների ընդլայնումն ու առարկայացումը, պատժամիջոցների խստացումը, արևելաեվրոպական գծով՝ ներառյալ Մերձբալթիկան և Սևծովյան շրջանը, ՆԱՏՕ պաշտպանական կարողությունների ընդլայնումն ու ռեսուրսների ծավալումը:
Ի՞նչ որոշումներ կլինեն այս կապակցությամբ՝ պարզ կլինի առաջիկա երկու օրերի ընթացքում: Սակայն ակներևաբար մեծ է հավանականությունը, որ այդ որոշումները կունենան իսկապես շրջադարձային նշանակություն եվրոպական անվտանգության համակարգի համար:
Կարդացեք նաև
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
