ՀՀԿ-ական պատգամավորը եւս հաջողություններ է մաղթում «Ռեֆորմիստների» կուսակցությանը
«Ցանկացած, այդ թվում` նոր ձեւավորվող առաջադիմական ուժի նպատակները պետք է ուղղվեն պետականաշինության ամրապնդմանը եւ պետությանը»,-այսօր նախկին ԲՀԿ-ական Վահան Բաբայանի գլխավորած «Ռեֆորմիստների» նորաստեղծ կուսակցության համագումարի ժամանակ լրագրողների հետ զրույցում ասաց ՀՀԿ խմբակցության քարտուղար Գագիկ Մելիքյանը:
Նա մեջբերեց Նժդեհի խոսքը` «կուսակցության հետ, պետության համար, ժողովրդի համար». «Կարծում եմ` սա կարող է լինել ցանկացած քաղաքական ուժի գաղափարախոսության հիմքը: Իսկ ՀՀԿ-ն ցանկացած քաղաքական ուժի հետ իր հարաբերությունները ցանկանում է ձեւավորել քաղաքակիրթ կերպով` իրավահավասարության սկզբունքով: ՀՀԿ-ի նպատակն է` գործակցությունը ցանկացած նոր ձեւավորվող եւ գործող քաղաքական ուժերի հետ` հավասարության պայմաններում»:
Գագիկ Մելիքյանի կարծիքով` քաղաքական նոր ուժերի ձեւավորումը նոր Սահմանադրության արդյունքն է, որը հնարավորություն է տալիս նոր պայմաններում մասնակցել քաղաքական գործընթացներին. «Ընթացքում պարզ կլինի, թե որ կուսակցությունը կգտնի իր տեղը քաղաքական դաշտում. կամ ինքնաոչնչացման ճանապարհով կգնա, կամ չի ընկալվի ժողովրդի կողմից եւ դուրս կմղվի քաղաքական դաշտից: Այդ ամենը կախված է նոր քաղաքական ուժերի գաղափարախոսությունից եւ գործունեությունից»:
Կարդացեք նաև
Լուիզա ՍՈՒՔԻԱՍՅԱՆ
