Լրագրողներ հանուն մարդու իրավունքների հ/կ-ի նախագահ Ժաննա Ալեքսանյանն իր ֆեյսբուքյան էջում անդրադարձել է «Սասնա ծռեր» խմբավորման անդամ Պավլիկ Մանուկյանի վիրահատությանը:
«Այսօր ինձ պատմեցին, որ մեծ ճնշում է եղել Պավլիկ Մանուկյանին վիրահատող բժշկի վրա: Բժշկին պարտադրել են, որ վիրահատության ժամանակ կտրի հերոսի ոտքերը, սակայն բժիշկը կտրականապես դեմ է եղել և ոչ մի կերպ չի համաձայնել գնալ նման քայլի: Զարհուրելի է: Հիշում եք, Պավլիկի ոտքերին կրակել են գնդացրից, այսինքն` ի սկզբանե կար միտումը: Ի դեպ, պատմողը բավականին մոտ առնչություններ ունի իշխանության շրջանակների հետ և պնդում էր իր տեղեկության հավաստիությունը: Ամեն դեպքում ինձ շատ իրական թվաց այս պատմությունը և ես սարսափ ապրեցի մարդուն ոչնչացնելու այսպիսի ցանկությունից»,- գրել է Ալեքսանյանը:
«Պարզապես հիմարություն է, ո՞վ է նման բաներ տարածում: Ես անձամբ ներկա եմ եղել Պավլիկ Մանուկյանի, նրա որդու ու մյուս զինյալների վիրահատություններին, և մենք՝ բժիշկներս, արել ենք առավելագույնը, որպեսզի այդ մարդիկ վերադառնան բնականոն կյանքին: Նրանց վիրահատություններն իրականացրել են Հայաստանի լավագույն վիրաբույժները և մենք հստակ ցուցում ենք ստացել՝ ոչ մի ջանք չխնայել այդ մարդկանց կյանքն ու առողջությունը պահպանելու համար»,-Life.panorama.am-ի հետ զրույցում ասել է Էրեբունի բժշկական կենտրոնի փոխտնօրեն Միքայել Մանուկյանը:
,,Այսպես է ասվել, բայց ազնիվ բժիշկը այդպես չի արել,, – ի՞նչ օգուտ այդ զուտ հայկական խոսակցություններից: Գուցե ինչ որ սադիստ իսկապես ճնշել է, բայց նա իր պարտքը ազնվորեն կատարել է: Հիմա ինքը կարող է իրական հերոսություն եւս կատարել՝ հրապարակորեն մատնացույց անելով հանցագործին: Իսկ եթե հերքվում է, ապա այդ իր խղճի գործն է, իսկ մեր պարտքն է ընդունել այն ինչ որ նա հայտարարում է: