Մի քանի ժամ խորհրդակցական սենյակում անցկացնելուց հետո Վերաքննիչ դատարանը որոշեց մերժել «Սասնա ծռեր» խմբի անդամ Արայիկ Խանդոյանի կալանքի վերացման վերաբերյալ վերաքննիչ բողոքը:
Խանդոյանի պաշտպան՝ փաստաբան Արայիկ Պապիկյանն ասաց՝ դեռ չի հասցրել ծանոթանալ որոշման պատճառաբանությանը, բայց եւս մեկ անգամ համոզվեց՝ ՀՀ դատարանները կառավարելի դատարաններ են. «Գործընթացն ամբողջությամբ քաղաքական հարթության մեջ է:
Ոչ միայն Արայիկ Խանդոյանին, այլ ընդհանրապես որեւէ մեկին անհատական մեղադրանք դեռեւս առաջադրված չէ, դա հաստատում է նաեւ ՀՔԾ-ն: Իսկ երբ անձին անհատական մեղադրանք չի առաջադրվել, հիմնավոր կասկածի մասին խոսք լինել չի կարող, հետեւաբար դատարանն ընդամենը պատվեր է կատարում: Այս գործով դատարանը մի գործողություն կատարեց՝ նոտարի դեր կատարեց, վավերացրեց քննչական մարմնի ներկայացրածը»:
Կարդացեք նաև
Արփինե ՍԻՄՈՆՅԱՆ
Մանրամասները տեսանյութում
