Ղարաբաղյան հակամարտության կողմերը պետք է բանակցությունների սեղանի շուրջ նստեն և խնդրին խաղաղ լուծում տան: Այս մասին, ինչպես հաղորդում է «ՌԻԱ Նովոստի»-ն, Բաքվում տեղի ունեցած մամուլի ասուլիսում հայտարարել է Ադրբեջանում Հռոմի կաթոլիկ եկեղեցու ներկայացուցիչ Վլադիմիր Ֆեկետեն:
«Կաթոլիկ եկեղեցին այնպիսի խնդիր չունի, ինչպիսին Ղարաբաղյան հարցի լուծումն է, դա քաղաքական գործիչների խնդիրն է: Հռոմի պապը բազմիցս հայտարարել է, որ պատերազմը միշտ դժբախտություն ու բռնություն է բերում: Կարծում եմ, որ կողմերը պետք է նստեն բանակցությունների սեղանի շուրջ, անհրաժեշտ է ելք գտնել իրավիճակից: Անհրաժեշտ է այդ հարցին խաղաղ լուծում գտնել»,- ասել է Ֆեկետեն:
Հիշեցնենք, Հռոմի պապ Ֆրանցիսկոսը հոկտեմբերի 2-ին կայցելի Բաքու, որտեղ հանդիպումներ կունենա Ադրբեջանի նախագահ Իլհամ Ալիևի, Կովկասի մուսուլմանների վարչության ղեկավարության հետ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
