Այսօր ՀՀ Վարչական դատարանում «Հայ կանանց ճակատի» անդամ Սուսաննա Սիմոնյանի դեմ Ոստիկանության ներկայացրած հայցադիմումով նախնական նիստ էր: Դատարան ներկայացված հայցով Ոստիկանությունը պահանջում է Սիմոնյանին պատասխանատվության ենթարկել ՀՀ Վարչական իրավախախտումների վերաբերյալ օրենսգրքի 172.3-րդ հոդվածով, որով վարչական իրավախախտում է համարվում ոստիկանության ծառայողին կամ զինծառայողին վիրավորելը:
Հիշեցնենք, որ այս տարվա հունիսի 22-ին Սուսաննա Սիմոնյանը մասնակցել է Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի վարչական շենքի դիմաց Ժիրայր Սեֆիլյանի նկատմամբ կալանքը, որպես խափանման միջոց ընտրելու վերաբերյալ նախաքննական մարմնի միջնորդության քննարկման ժամանակ ընթացող ցույցին:
Հավաքի ընթացքում ՀՀ Ոստիկանության աշխատակիցների կողմից ֆիզիկական ուժի գործադրմամբ Սուսաննա Սիմոնյանի ձերբակալության ժամանակ վերջինս թքել է ՀՀ Ոստիկանության աշխատակիցների ուղղությամբ, որից հետո տեղափոխվել է ՀՀ Ոստիկանության Երևան քաղաքի վարչության Քանաքեռ-Զեյթունի բաժին, որտեղ իրականացվել է վարչական վարույթ:
Դատարանն այսօր քննարկեց Սուսաննա Սիմոնյանի պաշտպան՝ Տաթեւիկ Սիրադեղյանի ներկայացրած միջնորդությունը՝ իր պաշտպանյալին առաջադրված հոդվածի սահմանադրականությունը որոշելու համար գործի վարույթը կասեցնելու եւ Սահմանադրական դատարան դիմելու պահանջով: Դատարանը հայտնեց, որ այս պահին համոզմունք չունի, որ առաջադրված հոդվածը հակասահմանադրական է, իսկ եթե դատաքննության ընթացքում հանգի այդ համոզման, ապա անհրաժեշտ գործողություններ կձեռնարկի:
Կարդացեք նաև
Տաթեւիկ Սիրադեղյանը նաեւ հակընդդեմ հայց ներկայացրեց՝ ոստիկանների գործողությունները ոչ իրավաչափ ճանաչելու պահանջով: Դատական նիստը հետաձգվեց: Հաջորդ դատական նիստի մասին դատարանը կողմերին կհայտնի լրացուցիչ:
Արփինե ՍԻՄՈՆՅԱՆ
պատկերին վրա՝ նորէն այդ խեղճ, փոքրիկ աղջնակը…
որու դէմքին վրայ երեւում է խոր տագնապը…
Հայաստանում Օրէնքի դէմ չէ՞ այսպէս տեւաբար շահագործել երեխաներին, զանոնք վերածել գործիքի, ի վնաս անոնց հոգեկան վիճակին, ընդհանուր աճին…
երեխան ամբողջ կյանքում կրելու է հոգեբանական հետքերը այս շահագործումին
շնորհաւորություն, բացառիկ ծնողներին…