Նոյեմբերի 17-ի երեկոյան Տավուշի մարզում տեղակայված զորամասերից մեկի հսկիչ-անցագրային կետի շինությունում հայտնաբերվել է պայմանագրային զինծառայող Իվան Հայրապետյանի դին՝ բերանի եւ գլխի շրջանում հրազենային վնասվածքով:
Լոռու զինվորական կայազորի դատախազ Արթուր Զաքարյանից տեղեկացանք,որ զինծառայողի մահվան կապակցությամբ քրեական գործը հարուցվել է ՀՀ քրեական օրենսգրքի 110 հոդվածի 1-ին մասի հատկանիշներով («Սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը»):
Տավուշի մարզի Բերդի տարածաշրջանի Նորաշեն գյուղի դպրոցի տնօրեն Գագիկ Մխիթարյանից տեղեկացանք, որ այդ գյուղի բնակիչ Իվան Հայրապետյանը 23 տարեկան էր, ամուսնացած չէր: Իվանի մայրը դպրոցում ռուսերենի ուսուցչուհի է, Հայրապետյանները սովորական ընտանիք են:
Ոսկան ՍԱՐԳՍՅԱՆ
