«Մենք ունենալու ենք զարգացումներ մի իրավիճակում, երբ արտաքին քաղաքականության մասին խոսում է միայն ՀՀԿ-ն, այն էլ՝ արդարացնելու համար իր որոշումները: Մյուս ուժերը չեն խոսում՝ պատճառաբանելով, թե դա իրենց հեռացնում է միմյանցից»,-այսօր «Միասնություն» համազգային շարժման «Հայաստանի արտաքին քաղաքականությունը եվրոպական և եվրասիական վեկտորների միջև» թեմայով քննարկման ժամանակ ասաց քաղաքագետ Ստյոպա Սաֆարյանը:
Անդրադառնալով ՀՀ-ԵՏՄ հարաբերություններին՝ նա նկատեց՝ պաշտոնապես հայտարարվել էր, որ ԵՏՄ-ն բացառապես տնտեսական կառույց է: «Բայց որքան էլ ցավալի է՝ այդ կառույցում են նաեւ ՀԱՊԿ-ի մեր դաշնակիցները, որոնք ցանկություն չունեն մեր անվտանգության շահերը սպասարկել թե ՀԱՊԿ-ում, թե ԵՏՄ-ում: Թվում էր, թե անվտանգության ավելացմանն ուղղված քայլեր են արվել, բայց կանգնեցինք պատերազմի շեմին»,-նկատի ունենալով ապրիլյան ռազմական գործողությունները՝ հավելեց Ստյոպա Սաֆարյանը:
Մանրամասները՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
