Եվրասիական տնտեսական միության (ԵԱՏՄ), այդ թվում Ղրղըզստանի առաջնորդները, ստորագրել են ԵԱՏՄ Մաքսային օրենսգիրքը: Այս մասին, ինչպես հաղորդում է «ՌԻԱ Նովոստին», լրագրողներին ասել է Եվրասիական տնտեսական հանձնաժողովի նախագահ Տիգրան Սարգսյանը Եվրասիական տնտեսական գերագույն խորհրդի նիստից հետո:
Ավելի վաղ նա հայտարարել էր, որ փաստաթուղթը ստորագրել են նիստին ներկա միայն երեք պետություններ՝ Հայաստանը, Ռուսաստանը և Ղազախստանը, իսկ Ղրղըզստանը հրաժարվել է ստորագրել:
«4 երկրների նախագահները ստորագրել են ներկայացված բոլոր փաստաթղթերը, այդ թվում Մաքսային օրենսգիրքը»,- ասել է Սարգսյանը լրագրողներին՝ հավելելով, որ փաստաթուղթը զգալիորեն թեթևացնում է մաքսային գործընթացները ԵԱՏՄ երկրների ներսում:
Սարգսյանը նշել է, որ փաստաթղթերի ստորագրման արարողության ժամանակ Ղրղըզստանը չի դրել իր ստորագրությունը, բայց հետո հաստատել է:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
