«2016թ. Արցախյան հակամարտության կարգավորման բանակցային գործընթացում լուրջ փոփոխություններ չեն կատարվել»,-կարծում է քաղաքագետ Ալեքսանդր Իսկանդարյանը: «Արմենպրես»-ում լրագրողների հետ հանդիպմանն այսօր նա նշեց, որ ԵԱՀԿ Մինսկի խմբի համանախագահները վերջին տարիներին չեն զբաղվում հակամարտության կարգավորմամբ. «Հասկանալի է, որ ներկայումս հակամարտությունը կարգավորել հնարավոր չէ: Նրանք ավելի շատ աշխատում են բռնությունը նվազեցնելու ուղղությամբ: Մի քանի տարի շարունակ՝ այդպես է: Առայժմ ստացվում է՝ բռնության ծավալն ավելի քիչ է, քան մինչեւ ապրիլն էր: Լուրջ չէ հիմա խոսել կարգավորման մասին: Կողմերը աշխատում են, որ մեծ էսկալացիա չլինի»:
Իսկանդարյանի բնորոշմամբ՝ ԵԱՀԿ-ն ջանում է այնպես անել, որ իրավիճակը կայունանա. «Կողմերը կշարունակեն աշխատել «ստատուս քվոն» պահպանելու ուղղությամբ»:
Ինչ վերաբերում է առաջիկայում սահմանային նոր սրացման հավանականությանը, փորձագետի գնահատմամբ՝ դրա լուրջ նախադրյալներ չկան. «էսկալացիան կախված է նավթի գներից: Ադրբեջանի տնտեսությունը վատ վիճակում է»:
Կարդացեք նաև
Լուիզա ՍՈՒՔԻԱՍՅԱՆ
