«ԱՄՆ դեսպանը կամ մյուսը ինչ կասեն, չեն ասի` ինչ-որ տեղով ընդունելի եմ համարում, մեր ժողովրդին է անհրաժեշտ, որ ընտրությունները լավ անցնեն»,- խորհրդարանում լրագրողների հետ զրույցում ասաց ԱԺ նախագահ Գալուստ Սահակյանն` անդրադառնալով ՀՀ-ում ԱՄՆ դեսպանի` հայաստանյան այն կուսակցություններին ուղղված կոչին, որոնք փորձում են գնել ընտրողի քվեն: Դեսպանը, հիշեցնենք, կոչ էր արել` դադարեցնել դա, քանի որ օրինական չէ:
ԱԺ նախագահ Գալուստ Սահակյանը վստահեցնում է`այս պահին ընտրակաշառք չի բաժանվում: «Ըստ երևույթին մարդիկ, որոնք պիտի ընտրվեն, հանդիպում են ժողովրդին, տարբեր բաներ են խոստանում, բայց այս պահին որևէ մեկը ընտրակաշառք չի կարող տալ, դեռևս քարոզչությունն էլ չի սկսվել, պետք է ամեն ինչ արվի, որպեսզի այպիսի բան չլինի»,- ասաց ԱԺ նախագահը:
Ըստ Գալուստ Սահակյանի, թե իշխանությունը, թե ընդդիմությունը համոզված են` «քվեարկության օրը որևէ ձախողված վճիռ չի կայացվելու»:
2008 թվականի մարտի 1-ի իրադարձությունների մասին էլ ԱԺ նախագահն ասաց, որ բազմաթիվ քննչական խմբեր են աշխատել ու իրականում չի բացահայտվել, թե ովքեր են կատարել սպանությունները: «Գործը, ես կարծում եմ, փակված չի»,- ասաց նա: Հիշեցնենք, այսօր այդ իրադարձությունների 9-րդ տարելիցն է:
Կարդացեք նաև
Այլ մանրամասները`տեսանյութում
Նելլի ԳՐԻԳՈՐՅԱՆ
