Սարի թաղում զանգվածային անկարգություններ կազմակերպելու մեջ մեղադրվող, կես տարուց ավելի անազատության մեջ գտնվող Անդրիաս Ղուկասյանը 1,5 միլիոն դրամ գրավի դիմաց ազատ չի արձակվի։
Արաբկիր և Քանաքեռ Զեյթուն վարչական շրջանների դատարանն այսօր մերժեց «Օհանյան–Րաֆֆի–Օսկանյան» դաշինքի նախընտրական ցուցակում ընդգրկված Ղուկասյանի կալանքը գրավով փոխարինելու մասին դիմումը: Դռնփակ նիստը նախատեսված ժամից մոտ երեք ժամ ուշացումով սկսվեց: Փաստաբան Կարեն Մեժլումյանի խոսքով, պարզապես մոռացել էին Ղուկասյանին քրեակատարողական հիմնարկից դատարան բերել:
Փաստաբանից տեղեկացանք, որ մեկ ժամից ավելի փակ դռների ետևում Անդրիաս Ղուկասյանն իր այս պահանջը հիմնավորել է հանգամանքով, որ որպես պատգամավորության թեկնածու ցանկանում է մասնակցել նախընտրական քարոզարշավին: Ղուկասյանը պնդել է՝ անհեթեթ է ենթադրել, թե այս պայմաններում ինքը կարող է փախուստի դիմել՝ հարվածի տակ դնելով իրեն աջակցող քաղաքական ուժին:
Մանրամասներին կարող եք ծանոթանալ՝ «Ազատություն» ռ/կ–ի կայքում:
Կարդացեք նաև
