Թրանսփարենսի Ինթերնեշնլ հակակոռուպցիոն կենտրոն (ԹԻՀԿ) հասարակական կազմակերպությունից տեղեկացանք, որ Հայաստանի հանրապետության կենտրոնական ընտրական հանձնաժողովի թիվ 70 որոշման համաձայն, քվեաթերթիկի առաջին էջում կուսակցության/դաշինքի առաջին երեք թեկնածուների տվյալների մոտ միատեսակ (V) նշումը քվեաթերթիկի անվավերություն չի առաջացնում:
Նշված որոշմամբ հստակեցվել են օրենսգրքում կիրառվող «գրառում» և «նշում» եզրույթները, ինչպես նաև քվեաթերթիկի առաջին էջում նշում կատարելու հետևանքները։
Քվեաթերթիկի առաջին էջում միատեսակ (V) նշումը չի կարող գնահատվել որպես ավելորդ գրառում և չի կարող հանգեցնել քվեաթերթիկի անվավերության, եթե այն կատարվել է ընտրություններին մասնակցող կուսակցության, կուսակցությունների դաշինքի համապետական ցուցակի առաջին երեք թեկնածուների տվյալների մոտ։
Նելլի ԳՐԻԳՈՐՅԱՆ
