«Արցախի հարցը պետք է լուծել, չեմ ասում՝ հողեր հանձնելով: Հողեր հանձնելու բան չկա, չի կարելի գրավյալ տարածքները հանձնել՝ սպասելով, թե Ադրբեջանը ինչ է մտածելու»,-«Տեսակետ» մամուլի ակումբում այսօր ասաց ՀՀԿ-ի կողմից առաջադրված պատգամավորի թեկնածու, անկուսակցական ազատամարտիկ Վլադիկ Աբրահամյանը:
Հիշեցնենք, որ նախընտրական շրջանում «Կոնգրես-ՀԺԿ» դաշինքն է հանդես գալիս Արցախյան հակամարտության լուծման փոխզիջումային տարբերակի՝ «Մադրիդյան սկզբունքների» իրագործման քարոզչությամբ:
ՀՀԿ թեկնածուի բնորոշմամբ՝ Ադրբեջանի կողմից Արցախի անկախությունը ճանաչելուց հետո միայն գրավյալ տարածքները կարելի է «ինչ-որ չափով հանձնել՝ բացառությամբ Լաչինի միջանցքի»:
Ազատամարտիկն անդրադարձավ նաեւ վարչապետ Կարեն Կարապետյանի այն հայտարարությանը, որ ապրիլյան քառօրյայի ժամանակ հայկական կողմի զինտեխնիկան որակյալ վառելիք չի ունեցել. «Եթե վարչապետն ասում է, որ վառելիքը կեղտոտ ու պակաս է եղել, ես ի՞նչ ավելացնեմ: Ուրեմն՝ մի բան կա, որ ասում են: Նշանակում է՝ թերություններ եղել են: Բայց սուտ լուրեր էլ են եղել: Ասում էին՝ գեներալ Մանվելը սրա հետ է կռվել, նրա հետ է կռվել, այն դեպքում, երբ նա ոտքի կանգնեց, ամբողջ ՀՀ-ի երկրապահները ոտքի կանգնեցին»:
Կարդացեք նաև
Լուիզա ՍՈՒՔԻԱՍՅԱՆ
