Այս ԱԺ ընտրություններում ՀՀԿ-ի գրանցած արդյունքը պատահական չեմ համարում: Այն կիրառեց արդյունավետ քաղաքականություն՝ կառավարության փոփոխություն, նոր վարչապետ…»,-ասում է քաղաքագետ Գարիկ Քեռյանը:
Քաղաքագետ Գարիկ Քեռյանն այսօր «Արմենպրես» լրատվական գործակալությունում լրագրողների հետ հանդիպմանն անդրադարձավ ԱԺ ընտրությունների արդյունքներին՝ ՀՀԿ-ի գրանցած ցուցանիշը որակելով օրինաչափ. «Տեղամասերում ՀՀԿ-ին հսկայական ձայներ բերեցին գործարարները, որոնք կարիք չունեին լցոնումների: Նրանք հայտնի են իրենց տարածքում եւ կարող են ձայներ բերել»:
Խոսելով այն մասին, որ ՀՎԿ-ն այս անգամ չանցավ ԱԺ, քաղաքագետը կարծիք հայտնեց, որ այս տարի պարզապես կուսակցությունն անկման շրջան է ապրել. «Իսկ «ԵԼՔ»-ը ձայներ խլեց ընդդիմադիր զանգվածից, ինչն էլ ազդեց ՀՎԿ-ի՝ ԱԺ անցնելու վրա»:
Կարդացեք նաև
Անդրադառնալով ԱԺ չանցած մեկ այլ ուժի՝ «Կոնգրես-ՀԺԿ» դաշինքին՝ Գարիկ Քեռյանը հարցադրում արեց՝ արդյոք այս պահին հնարավո՞ր է արցախյան հակամարտության հարցում խաղաղության ձեռքբերումը եւ ի՞նչ միջոցներով:
Ինչ վերաբերում է նրան, որ «ՕՐՕ» դաշինքը չի հաշտվում ընտրությունների արդյունքների հետ եւ փոփոխությունների կոչ է անում, քաղաքագետի կարծիքով՝ հանրահավաքների տեսքով հետընտրական զարգացումները քիչ հավանական են, դրանք անօգուտ են:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
