«Ամերիկայի ձայն». Միացյալ Նահանգների Պետքարտուղարության մամլո խոսնակ Հիդեր Նուերթը հատուկ հայտարարությամբ կոչ է արել ղարաբաղյան հակամարտության կողմերին անհապաղ դադարեցնել ռազմական գործողությունները.
«Միացյալ Նահանգները խորապես մտահոգված է երեքշաբթի օրը Լեռնային Ղարաբաղի հակամարտության գոտում տեղի ունեցած հրադադարի խախտմամբ, որի արդյունքում զոհվել էին քաղաքացիական անձինք, այդ թվում, հնարավոր է՝ երկու տարեկան երեխա: Միջադեպը տեղի է ունեցել շփման գծի մոտ: Սրտանց ցավակցություն ենք հայտնում զոհերի ընտանիքներին:
ԵԱՀԿ-ի Մինսկի խմբի համանախագահների հետ միասին, մենք կոչ ենք անում կողմերին դադարեցնել ռազմական գործողությունները եւ բանակցային սեղանի շուրջ վերադառնալ: Մեր քաղաքականությունն այդ տարածաշրջանում հստակ է մնում՝ այդ հակամարտության միակ կարգավորումը պետք է լինի բանակցությունների միջոցով՝ հիմնվելով միջազգային օրենքի վրա, որն իր մեջ է պարունակում ուժի չկիրառման սկզբունքը, տարածքային ամբողջականությունը եւ ինքնորոշումը»:
