Աջափնյակ եւ Դավիթաշեն վարչական շրջանների ընդհանուր իրավասության դատարանում այսօր էքստրասենս Անի Մաջնունյանի սպանության գործով հերթական նիստն էր: Մաջնունյանի մայրը՝ տուժողի իրավահաջորդ Լորետա Գուլմիյանը, առողջական խնդիրների պատճառով չէր ներկայացել:
Հանրային պաշտպանի գրասենյակից դատավոր Վարդան Աբրահամյանին գրություն էր ուղարկվել առ այն, որ ի պատասխան դատարանի հարցման՝ գրասենյակն ամբաստանյալ Մուշեղ Մխիթարյանի համար հանրային պաշտպան կտրամադրի՝ փաստաբան Մարինե Ֆարմանյանին: Հիշեցնենք, որ նա նախկինում էլ Մխիթարյանի պաշտպանն էր, սակայն տեւական ժամանակ է՝ ամբաստանյալն ինքն էր ներկայացնում իր շահերը, քանի որ հրաժարվել էր առհասարակ փաստաբան ունենալուց: Փոքր-ինչ մտածելուց հետո Մուշեղ Մխիթարյանն ասաց, որ համաձայն է:
Մարինե Ֆարմանյանն էլ իր հերթին դատավորին գրություն էր ուղարկել այն մասին, որ առողջական խնդիրների պատճառով այսօր չի կարող ներկայանալ: Դատավորը որոշեց նիստը հետաձգել եւ նշանակել օգոստոսի 7-ին՝ 13:00-ին: Դատական գործընթացն ապացույցների հետազոտման փուլում է:
Լուիզա ՍՈՒՔԻԱՍՅԱՆ
