Սեւանի «Միրաժ» լողափում տեղի ունեցած դեպքերից հետո Երևան-Իջևան ավտոճանապարհին սպանված Դավիթ Առաքելյանի կինը, որը հղի է, տեղափոխվել է հիվանդանոց՝ ինքնազգացողության վատացման պատճառով: Այս մասին Aravot.am-ին պատմեց Արգավանդ համայնքի ղեկավար Գագիկ Օրդուխանյանը:
Նրա տեղեկություններով, Դավիթ Առաքելյանին նախքան սպանելը, «Միրաժ» լողափում մահացած Աշոտ Հովհաննիսյանի որդին՝ Էդգար Հովհաննիսյանը միայնակ չի հետապնդել նրանց. «Այնքան ավտոներով են եկել, Դավիթենց ճամփեն փակել, որ Դավիթը չի էլ զգացել, արդեն անգիտակից է եղել, այնքան էին ծեծել, որ նույնիսկ հնարավոր է Արգավանդ չհասներ, ինքը չի էլ հասկացել, իրեն ոնց են իջեցրել մեքենայից»:
Հիշեցնենք, որ սպանված Դավիթ Առաքելյանը Արգավանդի բնակիչ էր:
Երեկ քննչական մարմին հարցաքննության էին տարվել «Միրաժում» տեղի ունեցած ծեծկռտուքի մասնակիցներ՝ Դավիթ Առաքելյանի ընկերներից ու ազգականներից, պարոն Օրդուխանյանի խոսքով, բոլորը հարցաքննությունից հետո ազատ են արձակվել:
Արփինե ՍԻՄՈՆՅԱՆ
Լուսանկարը՝ Գագիկ ՇԱՄՇՅԱՆԻ/https://shamshyan.com
