Եգիպտացորենի սռնակները՝ մազիկները, օժտված են արտահայտված լեղամուղ ազդեցությամբ: Ջրաթուրմը բարձրացնում է լեղու արտազատումը, նվազեցնում նրա մածուցիկությունը, բարձրացնում արյան մակարդելիությունը եւ մեծացնում միզամուղ ազդեցությունը:
Ունի նաեւ արյունակարգ ազդեցություն: Պատրաստուկները կիրառվում են որպես միզամուղ եւ լեղամուղ միջոց: Եփուկը նշանակում են խոլանգիտների, հեպատիտների, խոլեցիստիտների, էնտերոկոլիտների եւ ստամոքս-աղիքային տրակտի այլ հիվանդությունների, ինչպես նաեւ այտուցների ժամանակ, որոնք կապված են սրտանոթային եւ երիկամային հիվանդությունների հետ: Որպես արյունակարգ եւ հակաբորբոքային միջոց, շատ արդյունավետ է ջրաթուրմը արգանդային արյունահոսությունների եւ բորբոքային հիվանդությունների ժամանակ:Եգիպտացորենի յուղը բարենպաստ ազդեցություն ունի ճարպային փոխանակության վրա, իջեցնում է խոլեստերինի պարունակությունն արյան մեջ:
Կիրառվում է աթերոսկլերոզի պրոֆիլակտիկայի եւ բուժման համար:Աթերոսկլերոզի բուժման եւ պրոֆիլակտիկայի բուժման համար մասնագետները խորհուրդ են տալիս եգիպտացորենի չզտված յուղն ընդունել 25 գրամից՝ 1,5 ճաշի գդալ, օրը 3 անգամ՝ ուտելուց 30 րոպե առաջ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
26.08.2017
