Aravot.m-ը իր ընթերցողներից հետաքրքրվել է, թե ինչպե՞ս են գնահատում Արտավանի եւ Խոսրովի անտառների հրդեհաշիջման աշխատանքները:
Հարցման մասնակիցները ունեին պատասխանի 5 հնարավորություն. «սարսափելի վատ: Անտառ չմնաց», «վատ, անկազմակերպ էին աշխատում», «նորմալ, ինչքան հնարավորությունները ներում էին, դրա սահմաններում աշխատեցին», «շատ լավ, պարզապես մարդիկ միշտ դժգոհ են», «լավ, ամեն ինչ արվում էր, որ արագ հանգցնեն հրդեհը, բայց հանգամանքներն ավելի զորեղ էին»:
Եվ այսպես՝ հարցման մասնակիցներից ոչ ոք շատ լավ չի գնահատում հրդեհաշիջման աշխատանքները, հարցվածների տասը տոկոսը լավ է գնահատում եւ համարում է, որ ամեն ինչ արվում էր, որ արագ հանգցնեն, բայց հանգամանքները ավելի զորեղ էին: Հարցման մասնակիցների 13 տոկոսը նորմալ է գնահատել՝ ինչքան հնարավորությունները ներում էին, դրա սահմաններում աշխատեցին, 34 տոկոսը սարսափելի վատ է գնահատում: Հարցվածների մեծամասնությունը՝ 43 տոկոսը, Խոսրովի եւ Արտավանի անտառների հրդեհաշիջման աշխատանքները վատ է գնահատում՝ անկազմակերպ էին աշխատում:
Ամի ՉԻՉԱԿՅԱՆ
«Առավոտ»
26.08.2017
